Anguis fragilis

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Anguis fragilis
Una cullebra de cristal (Anguis fragilis).
Denominacions populars
culebra de cristal [1], cullebra de cristal, cullebreta cristal, cullebra d'aigua, escorzón, escursón, escurzón, acursón de prau, vidriol, andayerbas, correyerbas, eslisón [2], barbacán
Estau de conservación
Seguro (IUCN)
Clasificación cientifica
Reino:	Animalia
Filo:	Chordata
Clase:	Reptilia
Orden:	Squamata
Familia:	Anguidae
Chenero:	Anguis
Especie:	A. fragilis
Descripción
Anguis fragilis Linnaeus, 1758

A cullebra de cristal (Anguis fragilis (Linnaeus, 1758)^[3]) ye una especie de reptil d'a orden d'os Squamata y familia Anguidae que ye nativa d'o ueste d'Eurasia y, tot y con a suya apariencia, ye un fardacho sin patas, no una sierpe.

Puede aconseguir una longaria maxima de dica 57,5 cm. A mayoría d'os animals adultos que se pueden alufrar miden entre 40 y 45 cm de luengo, con dica 22 cm en a parti d'o tozuelo y lo tronco y la resta en a coda. No i hai cuello visible. A coda, que remata en una punta cornia, se contina con o tronco y, a ormino, ye un poquet mas luenga. As culebras de cristal exhiben autotomía cabal, ye dicir, que lo tallo d'a coda cuan os depredadors a pillan. Cuan torna a creixer, a coda nomás torna a creixer dica convertir-se en un troz curto.

Istos reptils son sobretot activos de nueiz y no prenen o sol como atros reptils, sino que trían calentar-se debaixo d'obchectos como penyas que a la suya vegada han estau calentadas per o sol. Son carnivoros y, a resultas de que s'alimentan de limacos y cucos, a ormino se pueden trobar en tasquizals altos y atros ambients humidos.

Son conoixius per as vidas excepcionalment largas; a culebra de cristal puede estar o fardacho mas lonchevo, vivindo arredol de 30 anyos en a naturaleza y dica a lo menos 54 anyos en cativerio.