Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
O chirabolos[1] (Arenaria interpres (Linnaeus, 1758)[2]) ye una au d'a orden d'os Charadriiformes y familia Scolopacidae que ye un au altament migratoria, se reproduz en o norte d'Eurasia y America d'o Norte y vola enta o sud pa pasar d'hibierno en as costas de cuasi tot o mundo.
Lo chirabolos tien una dieta variada que incluye carnuz, uegos, peixes y material vechetal, pero s'alimenta sobretot d'invertebraus. Os insectos y as suyas tenyas son especialment importants en a epoca de reproducción. En atras ocasions tamién prene crustazios, arainas, musclos y cucos. A ormino chira pietras y atros obchectos pa arribar a las presas que s'amagan debaixo; iste comportamiento ye l'orichen d'o suyo nombre de chirabolos. Suele buscar birolla en bandadas.
.jpg)
