Hotel

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Un hotel ye un edificio planificato y acondicionato ta aloixar a las personas temporalment, y que permite a os viachers, aloixar-se mientres os suyos desplazamientos. Os hotels proveyen a os clients amás de servicios adicionals como restaurants, piscinas y guarderías. Bels hotels tienen servicios de conferencias y animan a os grupos a organizar convencions y reunions en o suyo establimiento.

Os hotels se gosan clasificar en categorías seguntes o grau de confort y o ran de servicios que ufren. A escala de categorías ye simbolizata por un conchunto d'estrelas, que pueden ir d'una a cinco, y que indican de menor a mayor o grau de calidat de l'hotel.

Hotels con récords mundials

L'hotel mas alto d'o mundo ye o Burj al-Arab, en a ciudat de Dubai, Emiratos Arabes Unitos, con una altaria de 321 metros. Se diz que iste hotel ye l'unico con siet estrelas d'o mundo (encara que oficialment ye de 5 estrelas).
O complexo hostelero mas gran ye o resort First World Hotel en Malaisia, con 6.118 habitacions.
L'hotel mas gran, sin estar un complexo d'edificios deseparatos, ye l'hotel MGM Grand Las Vegas, en Las Vegas, Estaus Unius, con 5.005 habitacions.
Seguntes o Libro Guinness d'os Récords, l'hotel mas antigo, que encara ye en funcionamiento, ye o Hoshi Ryokan, en Awazu, Chapón, inaugurato en l'anyo 717.

Se veiga tamién

Hostal.