Murviedro

Fue fundato en l'anyo 219 aC. Ya se parla de la ciudat de Sagunto en bels textos de la literatura clasica, relacionando-la con cosas que pasoron en la Segunda Guerra Punica. Esta ciudat ibero-edetana yera conoixita como Arse pero con lo tiempo se convertiría en la ciudat hispanorromana de SAGUNTUM. La historia de Sagunto como ciudat portuaria ye muito extensa, ya en lo sieglo III aC (n'ixa epoca una ciudat d'orichen griego y aliata de Roma) yera un punto estratechico en lo comercio por la mar Mediterrania. Ya en ixa epoca comerciants de Sagunto viviban instalatos a man de lo Puerto (fuera de la ciudat amurallata), pa fer prosperos os suyos comercios a costa de los mariners que plegaban ta Sagunto. Este puerto antigo ye l'actual barrio dito Grau Vell.

Lo cheneral Aníbal asitió la ciudat ibero-edetana d'Arse en l'anyo 219 aC por la suya situación estratechica. Lo setio duró meses, y los habitadors d'Arse basoron a suya estratechia en que Aníbal no podería atravesar las grans murallas arredol la ciudat en poco tiempo. Encara que la chent de las redoladas a man d'Arse no los aduyoron, podioron resistir los ataques cartachineses. La situación se fació insostenible dimpués que los romanosse negasen a ninviar aduya. La ciudat desmoralizata podió resistir bels meses mes, debant un exercito mes gran en numero y en recursos.

En a epoca de dominio musulmán la decadencia de l'antiga ciudat romana yera gran, fendo-se mes gran Valencia. En esta epoca ya no se deciba Sagunto y s'emplegaba Morbyter y variants. O toponimo SAGUNTUM probablement pervivió en o nombre d'a comarca Val de Segón. Morbyter vien de lo latín MURI VETERES que quier dicir muros viellos. Los aragoneses adaptoron este toponimo mozarabe como Murviedro y los catalans lo adaptoron como Morvedre.

En 1868, lo nuevo Gubierno Provisional modificó lo nombre de la ciudat, dita Murviedro dende feba mes de diez sieglos, por l'antigo nombre romano de Sagunto, seguindo los canons romanticos y clasicistas de la epoca: se restituyó a Murviedro el glorioso nombre de Sagunto.