Cantón de Friburgu

A veres de los llagos de Neuchâtel y de Morat afayáronse diverses muertes prehistóriques (por casu, viviendes palafites, esto ye, edificaes nel llagu sobre pilotes).

El cantón de Friburgu xuntóse a la Confederación en 1481. L'área del cantón ta básicamente compuesta polos territorios adquiríos pola so capital. L'actual estensión data de 1803, cuando foi adquirida la ciudá de Murten, y los demás cantones tomaron cuasi la so forma actual. En 1846, el cantón de Friburgu xunióse a la lliga separatista conservadora-católica (Sonderbund). Un añu dempués, el cantón foi invadíu poles tropes federales, al igual que'l restu de los cantones rebalbos, quedando disuelta la Sonderbund.

El cantón de Friburgu alcuéntrase na parte occidental de Suiza. Llenda al oeste col llagu de Neuchâtel, que lo dixebra del cantón de Neuchâtel, al oestesuroeste col cantón de Vaud y al este y norte col cantón de Berna.

La superficie total del cantón ye de 1669 km², que correspuenden al área principal y a los exclaves dientro del cantón de Vaud.

Friburgu alcuéntrase nel Pandu suizu. Al oeste'l terrén ye planu y pa la parte sureste ye más bien montascosu, rexón a la que comúnmente se llama Prealpes. El puntu más altu del cantón ye'l Vanil Noir con 2389 m sobre'l nivel del mar. El puntu más baxu correspuende al llagu de Neuchâtel, que s'atopa a 430 msnm.

El ríu Sarine (Saane n'alemán) flúi dende'l sur hacia'l norte del cantón; xunto colos sos tributarios baña gran parte del territoriu cantonal. Nel so cursu mediu antes de pasar pela ciudá de Friburgu forma'l llagu de la Gruyère precisamente na contorna prealpina de Gruyère (n'alemán: Greyerz) célebre polos sos quesos. El Sarine ye tributariu del Aare. El Broye baña la parte oeste del cantón y flúi en direición noreste, escontra'l Llagu de Morat. La parte sur del cantón ye cruciada pol Veveyse que s'esmuce escontra'l sur, en direición del llagu Lemán.

El cantón ye mayoritariamente católicu (73 %). Nél atópense dellos monesterios y conventos y la única universidá católica de Suiza, la Universidá de Friburgu. El cantón alcuéntrase na frontera llingüística suiza: dos tercios de la población fala francés y un terciu alemán. El ríu Sarine, que percuerre'l cantón de sur a norte y traviesa la capital, marca la frontera llingüística (Röstigraben) de Friburgu. Los pueblos al oeste del ríu son de fala francesa y los asitiaos al este son de llingua alemana.

Nel cantón hai delles ciudaes billingües, la más importante ye la capital del cantón, Friburgu, siguida por Murten (en francés: Morat) y en menor midida Düdingen y Tafers. L'alemán faláu en Friburgu ye una variante del dialeutu Suizu alemán.

Idiomes

• Llingua materna (2000)
  • Francés: 63,2 %
  • Alemán: 29,2 %
  • Otres llingües: 7,6 %

Sexu

(2003)

• • Homes: 124.566
  • Muyeres: 126.752

Relixón

(2000)

• • Católicu: 73,25 %
  • Protestante: 15,85 %
  • Ensin confesión: 6,25 %
  • Otru: 4,65 %

El cantón de Friburgu ta asitiáu na exa de tresporte ferroviariu que va de Xinebra a Zúrich.

Los distritos friburgueses lleven el nome del ríu principal que pasa pol so territoriu:

Nel cantón de Friburgu, solamente Friburgu, Bulli y Villars-sur-Glâne son consideraes estadísticamente como ciudaes. Los conceyos más grandes son:

• Friburgu, 34 764 habitantes (2010)
• Bulli, 11 685 habitantes (2002)
• Villars-sur-Glane, 10 001 habitantes (2005)
• Marly, 7170 habitantes (2003)
• Düdingen, 7000 habitantes (2004)
• Murten, 5584 habitantes (2002)
• Wünnewil-Flamatt, 5087 habitantes en (2002)