Dinar kuwaitianu

El dinar foi introducíu'l 1 d'abril de 1961 pa sustituyir a la rupia del Golfu, con un valor inicial equivalente a una llibra esterlina y una tasa de cambéu frente a l'antigua rupia de 13½ rupies per dinar.

Cuando Iraq invadió Kuwait en 1990 el dinar iraquín sustituyó al dinar kuwaití. Mientres la invasión los iraquinos robaron la mayoría de los billetes d'altu valor, que fueron vendíos nel mercáu negru o utilizaos de nuevu. Dempués de la lliberación, el dinar kuwaití restauróse como la moneda de cursu llegal del país ya introducióse una nueva serie de billetes, faciendo asina que los billetes anteriores, que fueren robaos, quedaren anulaos.

Les monedes de cursu llegal fueron acuñaes a partir del 1 d'abril de 1961 hasta l'actualidá, colos siguientes valores y composiciones:

Hasta la fecha hanse impresu cinco series de billetes. La primer serie foi publicada dempués de la declaración d'una llei que na que Kuwait adoptaba la so propia moneda en 1960. Esta serie entró na circulación el 1 d'abril de 1961 hasta'l 1 de febreru de 1982. Les sos denominaciones yeren de ¼, ½, 1, 5 y 10 dinares.

Dempués de la creación del Bancu Central de Kuwait distribuyéronse los nuevos billetes de ¼, ½ y de 10 dinares a partir del 17 de payares de 1970, siguíos polos nuevu billetes de 1 y 5 dinares de la segunda serie'l 20 d'abril de 1971. Esta segunda serie foi retirada del cursu llegal el 1 de febreru de 1982.

La tercer serie emitióse'l 20 de febreru de 1980 dempués de l'ascensión al tronu del emir Jaber al-Ahmad al-Jaber al-Sabah, con denominaciones de ¼, ½, 1, 5 y 10 dinares. El 9 de febreru de 1986 emitióse un nuevu billete de 20 dinares. Como resultancia del estáu d'emerxencia dempués de la invasión de Kuwait per parte d'Iraq, esta serie foi invalidada pol gobiernu vixente'l 30 de setiembre de 1991. Les fuercies irakíes robaron la mayor parte d'estos billetes (1, 5, 10 y 20 dinares) y dalgunos apaecieron nel mercáu numismáticu internacional.

Dempués de la lliberación emitióse una cuarta serie'l 24 de marzu de 1991, col propósitu de sustituyir la serie retirada enantes lo más rápido posible y garantizar la recuperación económica del país. Esta cuarta serie foi moneda de cursu llegal hasta'l 16 de febreru de 1995, con denominaciones de ¼, ½, 1, 5, 10 y 20 dinares.

La quinta serie de billetes tuvo a valir dende'l 3 d'abril de 1994 ya inclúi midíes de seguridá d'alta teunoloxía anguaño estándares pa los billetes de bancu. Les denominaciones son iguales a les de la cuarta serie.

Na sesta serie'l Bancu Central de Kuwait introdució la sesta serie de billetes kuwaitíes en circulación el 29 de xunu de 2014.Dalgunos de los billetes son gruesos por que los ciegos puedan identificalos pol tactu

6ª Serie, 2014-

Imaxe Anversu	Imaxe reversu	Denominación	Color predominante	Dimensiones	Descripción del anverso	Descripción del aviesu
		¼ Dinar	Marrón	110 x 68 mm	¼ - ربع دينار - Torre de la Lliberación y una nave dhow - بنك الكويت المركزي	¼ - Una tradicional puerta de madera kuwaití y la primera moneda kuwaití
		½ Dinar	Verde	120 x 68 mm	½ - نصف الدينار - Kuwait Towers y una nave dhow Escudu d'armes - بنك الكويت المركزي	½- Tortúa de mar y el pexe Bramidae de plata (Al Zubaidi)-
		1 Dinar	Gris	130 x 68 mm	دينار واحد ١ -La Gran Mezquita, una nave dhow de bateel Escudu d'armes - بنك الكويت المركزي	1 -Ilustración de munches influencies de la civilización griega antigua en Kuwait Isla Failaka
		5 Dinares	Violeta	130 x 68 mm	خمسة دنانير ٥ - La nueva sede del Bancu Central de Kuwait Escudu d'armes - بنك الكويت المركزي	5 - Refinería de petroleu y un petroleru
		10 Dinares	Colloráu	150 x 68 mm	عشرة دنانير ١٠ -L'Asamblea Nacional de Kuwait, una nave sambuk dhow- بنك الكويت المركزي	10 -Ferre y camellu vistíu con una siella de montar-
		20 Dinares	Azul	160 x 68 mm	عشرون دينار ٢٠ - Palaciu Seif , y una nave dhow Escudu d'armes - بنك الكويت المركزي	20 - Buzu peruanu kuwaití y Al-Boom buque dhow kuwaití tradicional

• Rupia del Golfu

• Esta obra remanez de la traducción de Kuwaiti dinar de Wikipedia - inglés, espublizada polos sos editores baxo la Llicencia de documentación llibre de GNU y la Llicencia Creative Commons Atribución-CompartirIgual 3.0 Unported.