Kuwait

Kuwait^[12] (n'árabe: الكويت), oficialmente Estáu de Kuwait (n'árabe: الكويت) ye un país d'Oriente Mediu. Asitiáu na fastera septentrional de la Península Arábiga, nel estremu del golfu Pérsicu, llenda al norte y al oeste con Iraq y al sur con Arabia Saudita^[13]. Amás, comparte frontera marítima con Irán. La costa de Kuwait tien una estensión aprosimao de 500 km^[14]. La mayoría de la so población vive na aglomeración urbana formada pola capital, Ciudá de Kuwait^[15], y la so área metropolitana. El país tien una población de 4,45 millones d'habitantes; namái 1,45 millones son ciudadanos kuwaitíes, mentantu que los otros trés millones son ciudadanos de casi una centena de países.

Kuwait دولة الكويت
estáu soberanu
bandera de Kuwait escudu de Kuwait
Himnu nacional	Al-Nasheed Al-Watani
Alministración
Nome oficial	Koweït (fr) دَولَةُ الكُوَيت (ar)
Capital	Ciudá de Kuwait
Forma de gobiernu	Monarquía constitucional
Emir de Kuwait	Mishal Al-Ahmad Al-Jaber Al-Sabah (es) (dende 16 avientu 2023)
Primer Ministru de Kuwait	Sabah Al-Khalid Al-Sabah
Llingües oficiales	árabe
División	ver Al Ahmadi, Al Farwaniyah (es) , Al Asimah, Al Jahra, Hawalli (es) y Mubarak Al-Kabeer
Rellaciones diplomátiques	ver Australia Arabia Saudita Serbia Reinu Xuníu Turquía Iraq Xipre Malasia Paquistán Taiwán Emiratos Árabes Xuníos Méxicu Estaos Xuníos Rusia India Bangladex Alemaña Corea del Norte (4 abril 2001) República Popular China (22 marzu 1971) Hungría República Turca de Xipre del Norte
Miembru de	ver Organización de les Naciones Xuníes (14 mayu 1963) Lliga d'Estaos Árabes (20 xunetu 1961) Organización Mundial del Comerciu Organización pa la Cooperación Islámica (1969)[1] Bancu Internacional de Reconstrucción y Fomentu (13 setiembre 1962) Asociación Internacional de Fomentu (13 setiembre 1962) Corporación Financiera Internacional (13 setiembre 1962) Organismu Multillateral de Garantía d'Inversiones (12 abril 1988) Centru Internacional d'Arreglu de Diferencies Relatives a Inversiones (4 marzu 1979) Bancu Africanu de Desarrollu Bancu Árabe pal Desarrollu Económicu n'África Fondu árabe pal desarrollu económicu y social Fondu Monetariu Árabe Interpol (16 xunu 1965)[2] Organización pa la Prohibición d'Armes Químiques (28 xunu 1997)[3] Organización Hidrográfica Internacional [4] UNESCO (18 payares 1960)[5] Xunión Postal Universal (16 febreru 1960)[6] Xunión Internacional de Telecomunicaciones (14 agostu 1959)[7] Organización de Países Esportadores de Petroleu (setiembre 1960) Organización Internacional de Proteición Civil (13 agostu 2015)[8] Organización Meteorolóxica Mundial (1 avientu 1962)[9] Organización Mundial de la Salú [10] Organización Mundial d'Aduanes (4 ochobre 1993)[11]
Xeografía
Coordenaes	29°10′00″N 47°36′00″E / 29.16667°N 47.6°E / 29.16667; 47.6
Superficie	17818 km²
% agua	insignificante
Llenda con	Iraq, Iraq, Zona neutral saudí-kuwaití (es) , Arabia Saudita y Irán
Puntu más altu	Mutla (es)
Puntu más baxu	Golfu Pérsicu
Demografía
Población	4 600 000 hab. (2019)
Densidá	258,17 hab/km²
Xentiliciu	kuwaitianu (masculín singular) kuwaitiana (femenín singular)
Esperanza de vida	74,694 años
IDH	0,831 (2021)
Tasa de fertilidá	2,105 (2014)
Economía
Moneda	dinar kuwaitianu
PIB nominal	136 797 422 274 $ (2021)
Bancu central	Banco Central de Kuwait (es)
Más información
Dominiu d'Internet	.kw
Códigu telefónicu	+965
Códigu ISO	414 / KWT / KW
Estaya horaria	UTC+03:00 y Asia/Kuwait (en)
e.gov.kw

Históricamente, la mayoría del actual territoriu kuwaití formaba parte de l'antigua Mesopotamia^[16][17]. Primero del descubrimientu de petroleu nel so subsuelu, Kuwait yá yera un puertu comercial nel qu'intercambiábense productos de Mesopotamia, Persia ya India. El petroleu foi descubiertu, en cantidaes comercialmente aprovechables, en 1938, y 1946 foi'l primer añu nel que'l país esportó petroleu^[18][19]. De magar, y hasta 1982, el país foi sometíu a un procesu de modernización a gran escala aprovechando'l beneficiu de la esportación petrolífera. Na década de 1980, dempués del crac bursátil del so mercáu de valores, el país esperimentó un periodu d'inestabilidá xeopolítica ya crisis económica. En 1990, dempués de disputes con Iraq rellacionaes cola producción de petroleu, Kuwait foi invadíu, y dempués incorporáu al estáu dirixíu por Saddam Husein como una de les gobernaciones iraquines^[20]. La ocupación finó'l 26 de febreru de 1991, dempués d'una intervención militar llevada a cabo por una coalición liderada por Estaos Xuníos y formada por dellos otros países.

La organización política del estáu ye la d'emiratu. L'emir ye'l xefe del estáu; pertenez a la dinastía Al Sabah, que ye la que domina'l sistema políticu del país. La relixón oficial del estáu ye l'Islam, y más concretamente la escuela malikí del Islam suní. Kuwait ye un país en desarrollu con una economía d'altos ingresos, respaldaos poles sextes reserves de petroleu mayores del mundu. La so cultura popular (teatru, radio, música y telenoveles) tien influencia rexonal, y espórtase a los países del Golfu de la so contorna^[21].

Kuwai tien el mayor Índiz de Desarrollu Humanu de tol mundu árabe^[22][23]. Ye miembru fundador del Conseyu de cooperación pa los Estaos Árabes del Golfu, y forma parte tamién de les Naciones Xuníes, la Lliga Árabe, la Organización de Países Esportadores de Petroleu y la Organización pa la Cooperación Islámica. En xunetu de 2022 el fíu del emir foi nombráu primer ministru pa sustituyir nel cargu al primer ministru interín Sheikh Sabah al-Khalid, que taba perenfrentáu al parllamentu por cuenta d'una reforma fiscal.Historia