Idioma partu

Orixe y etimoloxía

L'idioma parto yera'l más oriental de les llingües iranies noroccidentales. Esti fechu provocó que retuviera munchos arcaísmos propios de les llingües iranies orientales, a lo que tamién ayudó que la dinastía fuera fundada pola tribu parni que migrara dende les estepes d'Asia central a Partia. Nun principiu los parni falaben una llingua irania nororiental rellacionada con otres de la mesma zona como'l escita y el bactriano. L'estudiu de les tribus indoiranias desvela que nun yera inusual que al migrar adoptaren la llingua llocal amás de los costumes y creencies de los pueblos nos que s'asitiaben, yá fora por mera migración o conquista.

Estinción

Nel 224 d. C., Ardashir I, el soberanu llocal de Pars depunxo y sustituyó a Ardaván IV, l'últimu emperador parto, fundando coles mesmes la cuarta dinastía irania, y la segunda dinastía persa, la dinastía sasánida. En munchos usos l'idioma parto substituido pol persa mediu, que na so forma escrita foi conocíu como pahlavi sasánida. El partu nun sumió de momentu, y siguió tando atestiguáu por unes poques inscripciones billingües de la era sasánida.

Clasificación

El partu ye una llingua del grupu iraniu noroccidental del periodu iraniu mediu, que como llingua per contautu de llingües, tien delles carauterístiques típiques del grupu iraniu oriental, esta influencia faise más bultable en ciertos préstamos léxicos. Dellos restos de la influencia oriental sobreviven en préstamos del partu al armeniu.^[1]

Taxonómicamente, el partu ye una llingua irania noroccidental ente que'l persa mediu de los sasánidas pertenez al grupu suroccidental.

L'idioma parto foi escritu por aciu escritura pahlavi, que tien dos carauterístiques definitories. De primeres, esta escritura deriva de la escritura arameo,^[2] el tipu d'escritura usada mientres la cancillería aqueménida. De segundes, tien una alta incidencies de pallabres aramees, representaes como ideogrames o logogrames, esto ye, escribíense pallabres aramees pero yeren lleíes como pallabres partas.

L'idioma parto yera la llingua de l'antigua satrapía de Parthia y usóse na corte de la dinastía arsácida. La fontes principales de conocencia d'esta llingua son les poques inscripciones procedentes de Nisa y Hecatómpolis (Hecatompylos), los texto maniqueos, les inscripciones multillingües sasánidas, y dellos restos de lliteratura parta calteníos en testos en persa mediu. Ente estos, los testos maniqueos, compuestos pocu tiempu de la cayida de la dinatía arsácida tienen un papel destacáu na reconstrucción del idioma parto.^[3] Estos testos maniqueos nun contienen ideogrames.

Testimonios escritos

Los testimonios escritos en partu inclúin:^[4]

• Los ostraka (100 e. C. atopaos en Nisa y otros sitios arqueolóxicos na frontera sur de Turkmenistán)
• Los ostraka del sieglu I e.C.procedentes de Kumesh n'Irán oriental.
• El pergamín del sieglu I d. C. de Awraman o Hawraman en Curdistán iranín.
• Inscriciones monetales de los reis arsácidas del sieglu I d. C.
• La inscripción billingüe de Seleucia del Tigris (150-151 d. C.)
• La inscripción de Ardaván V atopada en Susa (215)
• Algnos documentos del s. III d. C. atopaos en Dura-Europos, sobre'l Éufrates
• La inscripción de Kal-y Jangal, cerca de Birjand en Jorasán del sur (primer metá del sieglu III)
• Les inscripciones de los primeros reis y sacerdotes sasánidas en partu qu'inclúin les de Ka'ba-ye Zartosht cerca de Shiraz y Paikuli nel Curdistán iraquín.
• El corpus de testos en partu maniquéu que nun contienen ideogrames
• Nel norte de Paquistán, el reinu indoparto de Taxila baxu Gondophares 20 e.C. –10