Jordi Cuixart

Fíu de madre murciana y padre catalán, nun terminó'l BUP (Educación Secundaria).^[13] Ingresó en Òmnium Cultural en 1996. Ocupó los cargos de tesoreru^[14] y vicepresidente, y a partir del 19 d'avientu de 2015 foi nomáu presidente en sustitución de Quim Torra.^[15][16] Nel discursu de toma de posesión como presidente de Ómnium Cultural dixo:^[17]

Vamos trabayar incansablemente pa un país meyor y más xustu. Tamos convencíos de que puede ampliase la base social a favor de la independencia y este va ser unu de les exes de la nuesa actuación.

Ye sociu de diverses entidaes, como'l casal independentista Can Capablanca de Sabadell o la cooperativa de servicios financieros Coop57.^[18]

Vive nel conceyu de Sabadell y ye el fundador y direutor xeneral de Aranow Packaging Machinery,^[19] miembru del Centru Metalúrxicu de Cataluña y patrón fundador de la fundación privada d'empresarios FemCAT.

El 4 d'ochobre de 2017 foi llamáu a declarar como imputáu por un presuntu delitu de sedición. El 16 d'ochobre de 2017, la xueza Carmen Lamela ordenó la prisión preventiva y ensin fianza de Cuixart por un presuntu delitu de sedición, al igual que Jordi Sànchez. Dichu presuntu actu de sedición ta rellacionáu coles movilizaciones que tuvieron llugar en Barcelona mientres los díes 20 y 21 de setiembre de 2017 pa tratar de torgar les actuaciones xudiciales ordenaes pol Xulgáu númberu 13 de Barcelona.

Amnistía Internacional emitió un comunicáu oficial nel que consideraba que'l cargu de sedición y l'encarcelamientu preventivu de Cuixart y Sánchez yeren "escesivos" y pidió la so lliberación inmediata, pero dexó claro que nun los considera "presos políticos".^[20][21]

Jordi Cuixart ye fundador y propietariu únicu de la empresa Aranow Packaging Machinery.