Judi Meredith

Nacida en Portland, Oregón (Estaos Xuníos), el so verdaderu nome yera Judith Clare Boutin. Antes d'actriz, foi una esperta patinadora sobre xelu, llegando a actuar como una estrella profesional nel espectáculu Ice Follies.^[2] Sicasí, por causa de un accidente sufrió una quebra nel llombu, y más palantre una quebra de rótula, motivu pol cual hubo d'abandonar el patinaxe.

Meredith trabayaba nel teatru de repertoriu cuando foi afayada por George Burns, un humorista estauxunidense, que la escoyó pa faer el papel de Bonnie Sue McAfee en The George Burns and Gracie Allen Show (1957), y al siguiente añu en The George Burns Show. Nesi mesmu añu 1958 Meredith debutó nel cine, col filme Wild Heritage.

Na temporada televisiva 1959-1960, Meredith encarnó a Monique Deveraux na serie de la CBS de xéneru western Hotel de Paree, con Earl Holliman, Jeanette Nolan, y Strother Martin. Dende finales de los años 1950 hasta principios de los 1970, Meredith actuó en delles series televisives, incluyendo 87th Precinct, Wagon Train, Gunsmoke, Have Gun – Will Travel, Mannix, y Hawaii Five-O.

Judi Meredith finó en 2014, en Las Vegas, Nevada (Estaos Xuníos)..^[2][3] En 1962 casárase col direutor Gary Nelson, col que tuvo dos fíos.

Cine

Televisión

• Esta obra remanez de la traducción de Judi Meredith de Wikipedia - inglés, espublizada polos sos editores baxo la Llicencia de documentación llibre de GNU y la Llicencia Creative Commons Atribución-CompartirIgual 3.0 Unported.
• Esta obra remanez de la traducción de Judi Meredith de Wikipedia - francés, espublizada polos sos editores baxo la Llicencia de documentación llibre de GNU y la Llicencia Creative Commons Atribución-CompartirIgual 3.0 Unported.

• Biografía de Judi Meredith en Allmovie
• Judi Meredith na Internet Movie Database (n'inglés)
• Meredith en Yahoo movies