Oregón

Oregón (inglés: Oregon) ye un estáu de los Estaos Xuníos. Asítiase na rexón pacífica, nel noroeste del país, y llenda: al oeste col océanu Pacíficu, al norte con Washington, al sur con California, al este con Idaho y al suroeste con Nevada. El cursu del ríu Columbia marca bona parte de la so llende septentrional, y el ríu Snake delimita el so territoriu pel este; la so llende con California y Nevada sigue la llinia del paralelu 42º N. Ye ún de los trés estaos d'Estaos Xuníos con costa nel Pacíficu, un mar qu'inflúi enforma pa facer que'l clima del estáu, pese a la so llatitú, seya templáu n'iviernu.

Oregón
bandera de Oregón (es)
Alministración
País	Estaos Xuníos d'América
ISO 3166-2	US-OR
Tipu d'entidá	Estaos d'Estaos Xuníos
Capital	Salem
Gobernadora d'Oregón	Tina Kotek
Nome llocal	State of Oregon (en)
Llingües oficiales	ensin valor
División	ver condáu de Baker, condáu de Benton, condáu de Clackamas, condáu de Clatsop, condáu de Columbia, condáu de Coos, condáu de Crook, condáu de Curry, condáu de Deschutes, condáu de Douglas, condáu de Gilliam, condáu de Grant, condáu de Harney, condáu de Hood River, condáu de Jackson, condáu de Jefferson, condáu de Josephine, condáu de Klamath, condáu de Lake, condáu de Lane, condáu de Lincoln, condáu de Tillamook, condáu de Sherman, condáu de Multnomah, condáu de Yamhill, condáu de Marion, condáu de Washington, condáu d'Umatilla, condáu de Wheeler, condáu de Morrow, condáu de Wallowa, condáu de Wasco, condáu de Polk, condáu de Malheur, condáu d'Union y condáu de Linn
Xeografía
Coordenaes	43°56′09″N 120°34′30″W / 43.9358°N 120.575°O / 43.9358; -120.575
Superficie	255026 km²
Llenda con	California, Nevada, Idaho y Washington
Puntu más altu	Monte Hood (es)
Puntu más baxu	Océanu Pacíficu
Altitú media	1005 m
Demografía
Población	4 237 256 hab. (1r abril 2020)
Densidá	16,61 hab/km²
Viviendes	1 642 579 (31 avientu 2020)
Más información
Estaya horaria	Tiempu del Pacíficu
Fundación	14 febreru 1859
oregon.gov

Tien una población de 4 237 256 hab. (1 abril 2020)^[1][2] y una superficie de 255 026 km².

Oregón taba habitáu por delles tribus indíxenes primero de que los comerciantes, esploradores y colonos d'orixe européu aportaran al territoriu. Esti, col nome d'Oregon Country, estableció un gobiernu autónomu, en 1833. El territoriu d'Oregón (Oregon Territory) creóse en 1848, y incorporóse como 33º estáu de los Estaos Xuníos el 14 de febreru de 1859. Ye'l novenu más estensu, y el ventenu séptimu más pobláu. La so capital ye Salem, la segunda ciudá en tamañu del estáu, con una población estimada en 2013 de 160.614 habitantes. La mayor ciudá del estáu, y 29ª del país ye Portland, con una población estimada wen 2013 de 609.456 habitantes, con un total de 2.314.554 nel so área metropolitana. El valle de Willamette, nel oeste del estáu, ye la fastera más poblada del mesmu, una y bones concéntrense nelli ocho de les diez mayores ciudaes d'Oregón.

El paisaxe d'Oregón ye pervariáu. Alcontramos nelli una cadena montañosa con delles montes d'orixe volcánicu, la Cascade Range; abondanza de ríos y llagos nel entornu d'esos montes y al oeste de so; bosques templaos n'altitudes baxes, y un desiertu (l'High Desert) nel cuadrante suroriental del territoriu, que forma parte de la Gran Cuenca.