Karst de Shilin

Karst de China meridional
Patrimoniu de la Humanidá — UNESCO
	Entrada principal al Monte de Piedra.Error de Lua en Módulu:Mapa_de_llocalización na llinia 393: Minutes were provided for longitude without degrees also being provided.
Llugar	China
Criterios	Natural: vii, viii
Referencia	1248
Inscripción	2007 (XXXI Sesión)
Área	Asia y Oceanía

El Monte de Piedra o Shilin (chinu:石林; pinyin: Shílín) ye un conxuntu notable de formaciones caliares allugaes nel condáu autónomu de Shilin Yi, na provincia de Yunnan, República Popular de China, aproximao a 86 km. de Kunming, la capital provincial. Les altes roques paecen surdir del suelu como si fueren estalagmites y munches paecen árboles petrificados qu'en xunto crean la ilusión d'un monte fechu de piedra. Dende 2007 dos partes del sitiu, el monte de piedra de Naigu (乃古石林) y l'aldega de Suogeyi (所各邑村), fueron declaraos Patrimoniu de la Humanidá de la Unesco como parte de los Karst de China meridional.^[1]

Carauterístiques

L'área panorámica nacional de Shilin (昆明市石林风景区) cubre una área de 350 quilómetros cuadraos y ta estremada en siete árees panorámiques de la siguiente manera:

Montes de piedra Mayor y Menor (大、小石林), tamién conocíu como monte de piedra de Lizijing (李子菁石林)
Monte de piedra de Naigu (乃古石林)
Llagu Chang (长湖, lliteralmente Llagu Llargu)
Llagu Yue (月湖, lliteralmente Llagu de la Lluna)
Cueva de Zhiyun (芝云洞)
Cascada Dadie (大叠水)
Cueva Qifeng (奇峰洞)

Créese qu'estos karst, provocaes pola disolución de la caliar, tienen unos 270 millones d'años d'antigüedá^[2] y son una atraición tantu pa turistes estranxeros como domésticos gracies a los autobuses turísticos que parten de Kumming. La zona dispón igualmente de gran cantidá d'hoteles.

Cultura

Según la lleenda, el monte ye'l llugar de nacencia de Ashima (阿诗玛), una bella rapaza yi. En namorándose prohibióse-y casase col pretendiente escoyíu y en cuenta de eso convirtióse en piedra nel monte qu'entá lleva'l so nome.^[3] Cada añu, el 24º día del sestu mes llunar, munchos miembros del pueblu yi celebren el Festival de l'Antorcha (火把节 Huǒbă Jié), nel que se lleven a cabu bailles folclóricos y competiciones de llucha.