Manuel de Falla

Manuel de Falla y Matheu (23 de payares de 1876, Cádiz – 14 de payares de 1946, Alta Gracia), compositor español de música clásica.

Manuel de Falla
Vida
Nacimientu	Cádiz[1], 23 de payares de 1876[2]
Nacionalidá	España [3]
Muerte	Alta Gracia[3], 14 de payares de 1946[2] (69 años)
Sepultura	cripta de la catedral de Cádiz (es)
Familia
Casáu con	ensin valor
Familia	ver Ángela García de Paredes (es) (sobrina nieta (es) )
Estudios
Estudios	Conservatoriu Superior de Música de Madrid
Llingües falaes	alemán[4] castellanu[5]
Alumnu de	José Tragó Felipe Pedrell (es) Alejandro Odero Enrique Broca (es)
Oficiu	compositor, poeta, pianista
Trabayos destacaos	El amor brujo (es) El sombrero de tres picos (es) Fantasia Baetica (es) El retablo de Maese Pedro (es) Concierto para clave (es)
Premios	ver caballeru de la Lexón d'Honor Gran Cruz de la Orde Civil d'Alfonsu X el Sabiu  (1940) [6]
Miembru de	Real Academia de Belles Artes de San Fernando Academia Nacional de Belles Artes d'Arxentina
Xéneru artísticu	orquesta música clásica
Instrumentu musical	dolceola (en)
IMDb	nm0266316
manueldefalla.com

Nació en Cádiz. Nos caberos años de la década de 1890 estudió música en Madrid, pianu con José Tragó y composición con Felipe Pedrell. Foi con Pedrell col que Falla entamó a interesase pola música tradicional española, particularmente pol flamencu andaluz, que-y influyó enforma en bien de los sos trabayos.

Pente les sos primeres obres hai delles zarzueles, pero la primera obra valoratible foi la ópera d'un actu La vida breve, escrita en 1905 y iguada en 1913 enantes del so estrenu.

Falla pasó ente 1907 y 1914 en París, au conoció bien dellos compositores que-y influyeron nel estilu, como los impresionistes Maurice Ravel, Claude Debussy y Paul Dukas. De toles menes, la so creación musical foi ruina nesta etapa, hasta la so vuelta a Madrid al aniciu de la Primer Guerra Mundial.

En Madrid escribiera bien delles de les sos obres cimeres, incluyendo:

• El nocturnu pa pianu y orquesta Noches en los jardines de España (Nueches nos xardinos d'España, 1916)
• El balé El amor brujo (L'amor bruxu, 1915) que inclúi el perconocíu Ritual de la Danza'l Fueu
• El ballet El corregidor y la molinera que, tres de ser revisáu, camudó'l títulu pol de El sombrero de tres picos (1917)

De 1921 a 1939, Manuel de Falla vivió en Granada, au escribiere la ópera bufa El retablo de maese Pedro (1923) y un conciertu pa orquesta de cámara y clavecín (1926). Nestos trabayos, el folclor andaluz tien menos influyencia.

Tamién en Granada, entamó'l llabor de componer la pieza coral La Atlántida (Atlantis), basada nun testu de Jacinto Verdaguer, que continuó dempués de colar p'Arxentina en 1939. La obra, por embargu, foi finada tres la muerte de Manuel de Falla por Ernesto Halffter.

Manuel de Falla coló p'América al finar la Guerra Civil Española. Pente'l conflictu, trató d'impedir, ensin ésitu, que'l so collaciu Federico García Lorca fuera fusiláu pol bandu nacional. Morrió nel exiliu arxentín en 1946. Un añu dempués los sos restos foron treslladaos a España y enterraos na catedral de Cádiz.