Arxentina

Arxentina; República Argentina
	estáu soberanu
Bandera d'Arxentina	Escudu d'Arxentina
Lema nacional	En unión y libertad
Himnu nacional	Himnu Nacional Arxentín;
Alministración
Nome oficial	República Argentina (es)
Capital	Buenos Aires
Forma de gobiernu	república federal
Presidente d'Arxentina	Javier Milei (dende 10 avientu 2023)
Presidente d'Arxentina	Javier Milei (dende 10 avientu 2023)
Llingües oficiales	castellanu
Relixón oficial	Ilesia Católica
División	ver Buenos Aires, Provincia de Buenos Aires, Provincia de Catamarca, Provincia de Chaco (es) , Provincia de Córdoba, Provincia de Corrientes (es) , Entre Ríos, Provincia de Formosa (es) , Provincia de Jujuy (es) , La Pampa (es) , Provincia de La Rioja (es) , provincia de Mendoza, Provincia de Misiones, Provincia de Neuquén (es) , Provincia de Río Negro (es) , Provincia de Salta, Provincia de San Juan (es) , Provincia de San Luis (es) , Provincia de Santa Cruz (es) , Provincia de Santa Fe (es) , Provincia de Santiago del Estero, Provincia de Tierra del Fuego, Antártida e islas del Atlántico Sur (es) , Provincia de Tucumán y Provincia de Chubut (es) ;
Rellaciones diplomátiques	ver Brasil ; Estaos Xuníos ; Rusia ; Italia ; Australia ; Alemaña (1857, 7 mayu 1871); Israel ; Reinu Xuníu ; Santa Sede ; Bielorrusia ; Ucraína (6 xineru 1992); Qatar ; Marruecos ; Francia ; Canadá ; Croacia ; Indonesia ; Sudáfrica ; España ; Chile ; Suiza ; Angola ; Perú ; Turquía ; Portugal ; Xunión Europea ; Paraguái ; Bolivia ; Uruguái ; Exiptu ; Paquistán ; Taiwán ; Filipines ; Méxicu ; Suecia ; Serbia ; Grecia ; República Popular China ; Bangladex ; Xeorxa (8 xunu 1992); República d'Irlanda ; Corea del Norte (1973); Hungría ; ;
Miembru de	ver Organización de les Naciones Xuníes (24 ochobre 1945); Unasur ; Mercosur ; Organización Mundial del Comerciu ; G20 ; Bancu Internacional de Reconstrucción y Fomentu (20 setiembre 1956); Asociación Internacional de Fomentu (3 agostu 1962); Corporación Financiera Internacional (13 ochobre 1959); Organismu Multillateral de Garantía d'Inversiones (11 febreru 1992); Centru Internacional d'Arreglu de Diferencies Relatives a Inversiones (18 payares 1994); Bancu Africanu de Desarrollu ; Organismu pa la Prohibición de les Armes Nucleares n'América Llatina y el Caribe ; Comunidá Andina ; Grupu d'Australia (1993); Banco Centroamericano de Integración Económica (es) ; Réxime de Control de la Teunoloxía de Misiles (1993); Interpol (12 xunu 1947); Grupu d'abastecedores nucleares ; Organización pa la Prohibición d'Armes Químiques (29 abril 1997); Organización Hidrográfica Internacional ; UNESCO (15 setiembre 1948); Grupu d'Observaciones de la Tierra ; Xunión Postal Universal (1 abril 1878); Xunión Internacional de Telecomunicaciones (1 xineru 1889); Organización de los Estaos Americanos (1948); Organización Meteorolóxica Mundial (2 xineru 1951); Organización Mundial de la Salú ; Axencia Internacional de les Enerxíes Renovables ; Tratáu Antárticu ; Organización Mundial d'Aduanes (1 xunetu 1968); International Holocaust Remembrance Alliance (es) (2002); ;
Xeografía
Coordenaes	34°S 64°W / 34°S 64°O
Superficie	2780400 km²
% agua	1,1%
Costes	- km
Llenda con	- km
Puntu más altu	Aconcagua
Puntu más baxu	Laguna del Carbón (es)
Demografía
Población	47 327 407 hab. (2022)
Densidá	17,02 hab/km²
Xentiliciu	arxentín; arxentina
Esperanza de vida	76,577 años
IDH	0,842 (2021)
Tasa de fertilidá	2,322 (2014)
Economía
Moneda	pesu arxentín
PIB nominal	487 227 125 386 $ (2021)
Bancu central	Bancu Central de la República Arxentina
Más información
Dominiu d'Internet	.ar
Códigu telefónicu	+54
Códigu ISO	032 / ARG / AR
Estaya horaria	Hora oficial argentina (es)
	argentina.gob.ar

L'Arxentina^[17], oficialmente República Argentina, ye un país de la fastera meridional d'América del Sur. La so estensión, de 2.780.400 km², conviértelu nel segundu mayor del subcontinente, dempués de Brasil, el cuartu d'América y l'octavu de tol planeta. Llenda al oeste y al sur con Chile, al norte con Bolivia y Paraguái, al noreste con Brasil y al este con Uruguái. El país ye un estáu federal, y ta sodividíu en 23 provincies y una ciudá autónoma, la de Buenos Aires, capital federal y principal ciudá del país. Tanto la capital como les provincies tienen la so propia constitución, y organícense nún sistema federal. L'Arxentina reclama como de so les islles Malvines, la islla San Pedro y les islles Sandwich del Sur, amás de parte del territoriu de L'Antártida.

La presencia humana más antigua documentada nel so territoriu remóntase al Paleolíticu^[18]. Dempués, nos sieglos XV y XVI, l'imperiu inca incluyó, na so espansión, la fastera noroccidental del país, que sería colonizáu polos españoles nel sieglu XVI^[19]. L'actual estáu arxentín tien los sos oríxenes nel Virreinatu del Ríu de la Plata^[20]^[21], l'órganu de gobiernu creáu pol Imperiu español en 1776 pa l'articulación política, social ya económica del territoriu. La declaración d'independencia, y la posterior llucha escontra los españoles, foi siguida por una llarga guerra civil que duró hasta 1861 y culminó cola reorganización del país como una federación. De magar, el país esfrutó de paz y estabilidá, y ello favoreció la llegada de delles foles d'inmigrantes, principalmente italianos ya españoles, qu'influyeron na so demografía y na so cultura^[22]^[23]^[24].

L'importante crecimientu económicu del país convirtió al país, a entamos del sieglu XX, na séptima nación más rica del mundu^[25]^[26]^[27]. En 1896, el so PIB per cápita superó al d'Estaos Xuníos^[28], y siguió siendo ún de los diez mayores del mundu hasta polo menos 1920^[29]^[30]. Magar que siguió siendo ún de los 15 países más ricos del mundu delles décades más^[25], dempués de la Gran Depresión, na década de 1930, el país entamó la so escayencia económica, que xunida a una inestabilidá política crónica llevó al país otra vuelta a cifres propies de países subdesarrollaos^[31]. Anguaño'l so PIB per cápita ye'l 62ᵘ del mundu. Tres de la muerte, en 1974, del presidente Juan Perón, la so viuda y vicepresidenta, Isabel Perón, xubió al poder, del que foi apartada en 1976 por un golpe d'estáu. La xunta cívico-militar que tomó'l poder, sofitada por Estaos Xuníos, persiguió y asesinó a miles d'activistes políticos d'izquierda na llamada Guerra Sucia, un periodu de terrorismu d'estáu y revueltes civiles que nun acabó hasta la eleición de Raúl Alfonsín como presidente en 1983. De magar, y anque persiste la inestabilidá politica ya económica, el país caltién un sistema democráticu.

L'Arxentina ye una potencia rexonal que, pese a la precariedá económica, caltién el so estatus de potencia intermedia nel escenariu internacional^[32]^[33]^[34], nel que ye ún de los principales aliaos non pertenecientes a la OTAN d'Estaos Xuníos^[35]. Ye la segunda mayor economía d'América Llatina, miembru del G20 y miembru fundador de les Naciones Xuníes, el Bancu Mundial, la Organización Mundial del Comerciu, Mercosur, la Comunidá d'Estaos Llatinoamericanos y Caribeños y la Organización d'Estaos Iberoamericanos pa la Educación, la Ciencia y la Cultura.

Historia

Política y gobiernu^[36]

Organización política

Arxentina organízase políticamente acordies colo que se recueye na so Constitución, aprobada'l 24 d'agostu de 1994.

El poder executivu exércelu'l presidente de la Nación Arxentina. Esti ye elixíu xunto col vicepresidente (que ye tamién automáticamente presidente del Senáu) por votu popular direutu cada cuatro años. Dambos pueden ser reelixíos namái pa un segundu mandatu consecutivu, magar que pueden volver a presentar la so candidatura tres un intervalu d'un periodu eleutoral. El presidente, que ta encargáu de formar el gobiernu, ye tamién el comandante en xefe de les fuercies armaes del país.

El poder llexislativu exércelu'l Congresu, que ta dividíu en dos cámeres: el Senáu y la Cámara de Diputaos. El primeru fórmenlu trés senadores por cada provincia, elixíos por sufraxu direutu y de forma conxunta) y trés más pol distritu federal. Tienen un mandatu de seis años, y una persona puede ser senador/a de forma indefinida. La tercera parte de los senadores renuévense cada dos años. La Cámara de Diputaos, pela so banda, fórmenla 257 diputaos, elixíos pa cuatro años. La metá d'ellos renuévense cada dos años.

No que cinca al poder xudicial, el so muérganu cimeru ye la Corte Suprema de Xusticia. Los sos integrantes son nomaos pol presidente col acuerdu del Senáu. El presidente noma tamién a los xueces de los tribunales federales inferiores. Pa ello escueye ún de los trés que-y propón el Conseyu de la Maxistratura, y busca después el sofitu del Senáu pal nomamientu.

Caúna de les 23 provincies tien el so propiu gobiernu, la so cámara llexislativa y los sos tribunales. Tamién hai un gobiernu autónomu na capital federal, Buenos Aires.

Gobiernu

El presidente de la Nación ye, dende'l 10 d'avientu de 2015, Mauricio Macri. El presidente tien como vicepresidenta a Gabriela Michetti. Esti ye tamién, como manda la constitución, el presidente del Senáu. El presidente de la Cámara de Diputaos, pela so banda, ye Emilio Monzó.

El gabinete de ministros ta dirixíu (xineru 2016) por Marcos Peña y compónenlu, amás del Secretariu Xeneral de la Presidencia Fernando de Andreis, los siguientes ministros:

Economía: Alfonso Prat-Gay.
Rellaciones Esteriores: Susana Malcorra.
Defensa: Julio César Martínez.
Seguridá: Patricia Bullrich.
Xusticia y Derechos Humanos: Germán Garavano.
Interior: Rogelio Frigerio.
Trabayu, Emplegu y Seguridá Social: Jorge Triaca.
Industria: Francisco Cabrera.
Agricultura, Ganadería y Pesca: Ricardo Buryaile.
Turismu: Gustavo Santos.
Salú: Jorge Lemus.
Desarrollo Social: Carolina Stanley.
Educación: Esteban Bullrich.
Ciencia, Teunoloxía y Innovación Productiva: Lino Barañao.

Partíos políticos y sindicatos

Los principales partíos políticos del país son:

Partíu Xusticialista (PX). El so presidente interín, dende la muerte de Néstor Kirchner el 27 d'ochobre de 2010, ye'l anterior vicepresidente y gobernador de la provincia de Buenos Aires Daniel Scioli.
Unión Cívica Radical (UCR). El so presidente ye Ernesto Sanz.
Frente Ampliu Progresista (FAP). El so principal cabezaleru ye Hermes Binner.
Propuesta Republicana (PRO). El so principal cabezaleru ye Mauricio Macri.

No que cinca a los sindicatos rescampla la Confederación Xeneral del Trabayu (Confederación General del Trabajo, CGT), central sindical peronista na qu'aconceyen más de cien sindicatos y asociaciones gremiales. El so cabezaleru ye, dende 2005, Hugo Moyano.

Xeografía

Organización territorial

	Provincia	Capital	Población (censu 2010)^[37]	Superficie (en km²)	PBG per cápita (US$, 2008, est.)
	Ciudá de Buenos Aires^[38]		2.891.082	202	23.309

	Provincia de Buenos Aires	La Plata	15.594.428	307.571	7.310

	Catamarca	San Fdo. del Valle de Catamarca	367.820	102.602	6.009

	Chaco	Resistencia	1.053.466	99.633	2.015

	Chubut	Rawson	506.668	224.686	15.422

	Córdoba	Córdoba	3.304.825	165.321	6.477

	Corrientes	Corrientes	993.338	88.199	4.001

	Entre Ríos	Paraná	1.236.300	78.781	5.682

	Formosa	Formosa	527.895	72.066	2.879

	Jujuy	San Salvador de Jujuy	672.260	53.219	3.755

	La Pampa	Santa Rosa	316.940	143.440	5.987

	La Rioja	La Rioja	331.847	89.680	4.162

	Mendoza	Mendoza	1.741.610	148.827	9.079

	Misiones	Posadas	1.097.829	29.801	3.751

	Neuquén	Neuquén	550.344	94.078	26.273

	Río Negro	Viedma	633.374	203.013	8.247

	Salta	Salta	1.215.207	155.488	4.220

	San Xuan	San Xuan	680.427	89.651	5.642

	San Luis	San Luis	431.588	76.748	5.580

	Santa Cruz	Río Gallegos	272.524	243.943	30.496

	Santa Fe	Santa Fe	3.200.736	133.007	8.423

	Santiago del Estero	Santiago del Estero	896.461	136.351	3.003

	Tierra del Fuego	Ushuaia	126.190	21.478	20.682

	Tucumán	San Miguel de Tucumán	1.448.200	22.524	3.937

ARXENTINA			40.091.359	2.780.400	8.269

Economía

Demografía

Les principales ciudaes del país, ordenaes según la so población en 2010^[39] , son:

Buenos Aires y el so área metropolitana, qu'abarca los habitantes de la Ciudá Autónoma de Buenos Aires y de los 24 partíos que formen el Gran Buenos Aires: 12.806.866 habitantes.
Córdoba: 1.329.604 habitantes.
Rosario: 1.193.605 habitantes.
La Plata: 654.324 habitantes.
San Miguel de Tucumán: 548.866 habitantes.
Salta: 536.113 habitantes.
Corrientes: 358.223 habitantes

Referencies

Enllaces esternos

Wikimedia Commons tien conteníu multimedia tocante a Arxentina.
Presidencia de la Nación Arxentina
Gobiernu de la República Arxentina
Bancu Central de la República Arxentina
Secretaría de Turismu
Institutu Nacional d'Estadística y Censos

Países d'América

[17]

[1]

[2]

[3]

[4]

[5]

[6]

[7]

[8]

[9]

[10]

[11]

[12]

[13]

[14]

[15]

[16]

[18]

[19]

[20]

[21]

[22]

[23]

[24]

[25]

[26]

[27]

[28]

[29]

[30]

[31]

[32]

[33]

[34]

[35]

[36]

[37]

[38]

[39]

Search

Arxentina

Conteníu

Historia