Mary Shelley

Yera fía única de la feminista Mary Wollstonecraft y del filósofu William Godwin, tamién ye conocida como Mary Shelley yá que casó col poeta románticu inglés Percy Bysshe Shelley. Asina, Mary tuvo una educación lliberal basada nel romanticismu d'izquierdes de los sos padres.

A la edá de 15 años Mary escapóse con Percy Shelley, quien representaba la xenialidá y la llibertá frente a so padre, que foi la figura cola que Wollstonecraft crea'l protagonista de la so obra mayestra:Frankestein.

Cuando Wollstonecraft tenía 24 años abandonóla Shelley, quien la dexó con un neñu de 2 años; cinco años dempués tuvo qu'emigrar pa Inglaterra y en viéndose refugada por una sociedá que nun veía bien el so casoriu, decidió trabayar como escritora pa caltener a so padre y al so fíu. Gracies a esti trabayu conoció a escritores, artistes y políticos de la dómina.

Con 48 años la escritora queda inválida y seis años dempués muerre por mor d'un tumor cerebral.

Wollstonecraft crea esti presonax y la novela nunu de los famosos filandones lliterarios con Lord Byron y Percy Bysshe Shelley, na so estancia nel llagu Xinebra en Suiza. Emplegó a Frankenstein como una forma de fuxir de les terribles desgracies qu'asocedíen na época, asina como la terrible vida marital con continuos y públicos enfrentamientos na pareya, quien tres perder dos fíos nun fixo sinón agravar los sos desatopos. Sicasí, Shelley facía que Mary s'arriquecería al traviés del so desendolcu inteleutual y personal.

Escritu nesta nueche, Mary, que tenía 20 años, fixóse nel so proxenitor pa crear al doctor suizu Víctor Frankenstein quien se convertía nun nuevu dios al facer vida de la nada gracias, y nesto la escritora foi una visionaria, a la llétricidá.

Espublizada en 1818 col nome de Frankenstein o El modernu Prometeu, conviértese en tou un ésitu y agalma la posición de clásicu de la Lliteratura Universal al dibuxar dos personaxes monstruosos, el doctor pola so falta de decencia y humildá y l'otru, un monstruu n'apariencia pero con una complexidá pergrande nos sos actos.

• Frankenstein: Torna de Cesáreo García. Publicaciones Ámbitu (2002) ISBN 84-95640-40-6

• Wikimedia Commons acueye conteníu multimedia sobre Mary Shelley .
• Mary Shelley na Internet Movie Database (n'inglés)
• «Mary Shelley». en Find a Grave. (n'inglés)
• Obres de Mary Shelley nel Proyeutu Gutenberg