República Socialista Soviética de Donetsk-Krivoy Rog

Posición de la Rada Central d'Ucraína

El Gobiernu Provisional Rusu de Kerensky, ezpublicó'l 4 d'agostu de 1917 la "Instrucción Provisional pa la Secretaría Xeneral del Gobiernu Provisional d'Ucraína",^[4] camudando la xurisdicción de 5 gubernies:^[5] Gubernia de Podolia, Gubernia de Volinia, Gubernia de Kiev, Gubernia de Chernigov y Gubernia de Poltava.^[6]

A pesar los turbulentos alderiques na "Mala Rada" (piquiña Rada o parllamentu) como na Rada Central Ucraína (parllamentu), foi aprobáu'l documentu del Gobiernu Provisional.^[7]

Nea Tercer Proclama Universal de 7 de payares de 1917 establecióse que la Gubernia de Jarkov y la Gubernia de Ekaterinoslav eren partes incondicionales del territoriu ucraín.^[8][4]

Posición de los Soviets de Donetsk-Krivoy Rog

Durante 1917 había cristalizau l'idea de la constitución de la República Soviética de Krivoy Rog-Donetsk en los bolxeviques de la zona,^[9] basándose na diferencia d'estructura económica ente'l "marxen izquierdu d'Ucraína" (Левобережья) y el restu d'Ucraína, o seya, les cuenques de Krivoy Rog y del Donbass, nes que fadría falta un referendu consultivu pa definir la so integración n'Ucraína.^[7]

En payares 1917 los bolxeviques del sur y esti d'Ucraína acudieron al Congresu de Soviets de Tolos Ucraínos (Всеукраинский съезд Советов) pa la toma decisiones de los problemes actuales d'entos.

Asina como tamién acudieron al congresu territorial del Partíu Comunista (bolxevique) realizáu en Kiev ente'l 3 y 5 d'avientu de 1917 dellos representantes de les provincies occientales, del frente surocciental, d'Ekaterinoslav y Elizavetgrad.^[4] Nel mesmo, Artióm afirmó:^[10]

" Donbass necesita presentase como una unidá dixebrada alministrativa, política y económicamente d'Ucraína. Y, puesto que equí ya hai una organización rexonal de partíu, nun hai denguna necesidá de l'asociación a escala de Tolos los Ucraínos... "

Mientres tantu en Kiev desarrollábase'l Congresu Territorial del Partíu Comunista (bolxevique), en Kharkiv, los delegaos reuniéronse por separau n'otru congresu'l partíu, diferente al de Kiev, tomando como conclusión el llamar nel futuru próximu les organizaciones de la cuenca'l Krivoy Rog-Donetsk y del suroeste,^[11] pero nun pa una integración sino col fin d'elaborar un plan común d'axitación y llucha.^[12]

El 17 de payares de 1917 nel Comité Provincial del Soviet de la cuenca del Krivoy Rog-Donetsk, Artióm sofitó al menchevique Rubinstein y al eser Golubovski nel principiu d'autodetermín de les rexones y los pueblos, escontra l'"anexón" de la Rada Central, diciendo Artióm la celebre frase:^[13]

(la creación de) "la independencia del Centru de Kiev, con una rexón de Donetsk autogoberná, y consiguiendu tol poder pa los Soviets"

A propuesta de Artióm, el plenu tomó la decisión de desarrollar tola axitación a tolo anchu la cuenca'l Krivoy Rog-Donetsk, xunida con Kharkiv, y dientro la República Rusa, como un territoriu unificau y con una alministración autónoma.^[14]

L'idea de nun pertenencia de la zona de l'autodenominá República Soviética de Krivoy Rog-Donetsk a la República Popular d'Ucraína, despréndese de la resolución del Conseyu Xeneral de los Soviets realizáu en Kharkiv de 24 de payares de 1917. El 29 de payares, el bolxevique E. Luganovsky afirmó que la Gubernia de Jarkov y la cuenca'l Donbass nun pertenecen a Ucraína, y estableciendu que la rellación d'estes zones con respetu Ucraína ye muy perniciosa económicamente, ya que tendría como resultáu la desmembración de la cuenca del Donetsk.^[15]

Ente'l 11 y 12 d'avientu 1917 llevóse a cabu'l Congresu los Soviets de Toa Ucraína na ciudad de Kharkiv, nel que proclamose la República Popular d'Ucraína (Soviética), estableciendo la “Secretaría Popular” como'l primer gobiernu soviéticu d'Ucraína. Un terciu los electos pa la Secretaría Popular eren representantes de los soviets de la cuenca'l Donetsk-Krivoy Rog, d'entre ellos Artióm.^[7]

IV Congresu Rexonal de los Soviets

Ente'l 27 y el 30 de xineru de 1918 llevóse a cabu'l IV Congresu Rexonal de los Soviets de los diputaos de los trabayaores y soldaos, compuestu por representantes con drechu a votu repartíos en:^[16]

• 48 bolxeviques
• 19 “eseres”
• 8 mencheviques
• 2 ensin adscripción partidaria.

En dichu IV Congresu, S. Vasilchenko, ezpublicó nel periódicu « el proletariu Donetsk », resumiendu les tesis básiques del mesmu:^[17]

...les zones de la Federación de la República Rusa Socialista sedrán contruíes nun pola so identidá nacional, sinón conforme les sos carauterístiques socioeconómiques. Una unidá autosuficiente nel sentíu económico ye la República de la cuenca'l Donetsk y Krivoy Rog, que pue llegar a ser un modelu económicu pa les otres repúbliques socialistes.

Escontra la construcción de la República Soviética de Krivoy Rog-Donetsk opúsose M. Skrypnik, comisariu popular de trabayu de la “Secretaría Popular” de los Soviets d'Ucraína, afirmandu que yera prematura la constitución de la República Soviética de Krivoy Rog-Donetsk como entidá territorial, aunque sería necesaria la so autonomía, aunque formandu parte la federación ucraína. Delles afirmaciones fueren sofitaes únicamente polos “eseres” (Golubovsky). Artióm, partiendu l'idea d'una Federación Xeneral Proletaria, acusó a M. Skripnik de “nacionalista”, mientres esti respondió coles acusaciones de “separatistes”. Artióm subrayó:

...los separatistes nun somos nos, sinón Ud. (M. Skirpnik). ¿Por qué aspirais a tar con Kiev? La República Soviética nun se basa nes identidaes nacionales, como Ud afirma....(ya que) la revolución socialista perdería el so significau.

M. Zhakov afirmó:^[18]

Si la política la cuenca del Donetsk pue subordinase dalgo, nun será a los intereses políticos actuales de los nuesos compañeros ucraínos, sinón a los intereses de los centros industriales del norte.

La Rada Central Ucraína perdióse poles presiones de les fuerzes foriates d'Ucraína, y ensin embargu, dempués de la so cayía, denguna insurrección na so defensa ha tenío llugar.

M. Skripnik retiró les sos objeciones, diciendo que:^[4]

el proyeutu (resolución) tien carácter declarativu, y nun tien por oxetu desorganizar el partíu

El proyeutu resolución foi aprobau por 50 votos, estableciendo l'organización política, económica y cultural de la República Soviética de Krivoy Rog-Donetsk.^[16]

Formación del Comité Rexonal

El 14 de febreru (el 1 de febreru del callendariu actual) de 1918, el comité rexonal de los Soviets había formau'l Conseyu los Comisarios del pueblu Krivoy Rog-Donetsk, escoyíos cinco bolxeviques, un mencheviques y tres eseres:^[19]

• S. Vasilchenko (С.Васильченко) (bolxevique)
• M. Zhakov (М.Жаков), (bolxevique)
• M. Tevelev (М. Тевелев) (bolxevique)
• I. Varejkis (И. Варейкис) (bolxevique)
• Andreev (Андреев) (bolxevique)
• Rubinshtein (Рубинштейн) (menchevique)
• Kirichek (Киричек) (eser)
• Rovensky (Ровенский) (eser)
• Makarian (Макарьян) (eser)

Escoyiose tamién como diputaos al Comité Rexonal de los Soviets a:

• Alekseev (Алексеев) (menchevique)
• Mark (Марк) (menchevique)
• Popov (Попов) (menchevique)
• Golubovsky (Голубовский) (eser)
• Cherny (Черный) (eser)

Estructura'l Soviet de Krivoy Rog-Donetsk

L'estructura de gobiernu de los Soviets de Krivoy Rog-Donetsk constituyose con F. Sergeev (Artiom) como President'el Conseyu de Comisarios del Pueblu y comisariu asuntos económicos nacionales, citando a:^[20]

• S. Vasilchenko como comisariu'l pueblu de los asuntos interiores,
• M. Zhakov como comisariu pa la instrucción pública,
• A. Kamensky como comisariu pal control del estau (interior),
• B. Magidov como comisariu trabayu,
• V. Mezhlauk como comisariu finances,
• M. Ruhimovich como comisariu de asuntos militares
• V. Filov como comisariu xusticia

La misión del Soviet de Comisarios del Pueblu de Krivoy Rog-Donetsk foi poner en práutica los decretos del Comité Popular Central de la República Rusa y el Comité Central Soviéticu d'Ucraína, asina como formar parte la construcción del estau de los Soviets de tol sur de Rusia: Ucrania, y la rexón del Don, de Kubán y del Terek.^[16]

Tantu F.Sergeev como S.Vasilchenko, entendíen que la república Rusa Soviética debía ser una federación de les rexones económicamente homoxénees, en vez de les repúbliques nacionales (étniques) soviétiques.^[4]

Si bien la República Soviética de Krivoy Rog-Donetsk nun se considerá lligá'l tratáu de Brest-Litovsk, nel que se fundamentó l'intervención alemana pa la constitución d'Ucraína como'n país independiente, ya que nun se definien como parte d'Ucraína. En cambiu, el mandu austru-alemán nun lu consideraba asina, garrando como les fronteres d'Ucraína lo recoyío na III y IV Proclama Universal de La Rada Central Ucraína,^[16] l'exércitu austru-alemán entamó les aiciones militares.

Los soviets de Krivoy Rog-Donetsk facieron casu omisu a les llamaes del Presidente de la Secretaría Popular d'Ucraína, Mykola Skrypnyk (designau pa esi puestu'l 4 de marzu de 1918), pa la xunión de toles fuercies armaes de les repúbliques soviétiques del sur (Ucraína, de Krivoy Rog-Donetsk, de Crimea y d'Odessa), y la so coordinación ente les tropes invasores.^[16]

Vladimir Zatonsky afirmó al respectu:^[21]

«... N'estu consistía la diferencia ente la secretaría popular y el grupu los camaraes Artiom, de Jarkov, de Ekaterinoslav y de Krivoy Rog-Donetsk', qu'estos trataben de protexer l'Ucraína "soviética" nel Donbass, y nos (secretaría popular) tratábemos de formar un centru nacional ucraín soviéticu pa toos nel territorio d'Ucraína »

Nel asuntu la defensa de Krivoy Rog-Donetsk taba a cargu Moisei Rujimovich. El problema la creación d'un sistema unificau de defensa pa les repúbliques del sur foi la dispersión de los comisarios del pueblu. Aun el 20 de marzu nel periódicu Izvestia Yuga («Известия Юга» - les Noticies del Sur ) publiscose que:^[22]

«Ya qu'Ucraína dixebrose la Rusia Soviética, - esti ye'l so problema problema. Dempués ella nun vamos... Ye necesariu glayar al mundo, glayar que'l proletariau de Donetsk nun ta dientru'l estau Ucraín »

Inclusu'l 7 d'abril, cuandu los combates colos alemanes llevabanse a cabu nes cercaníes de Kharkiv, el Conseyu Comisarios del Pueblu la República Soviética de Krivoy Rog-Donetsk emitió una protesta:^[23]

«afirmamos que'l gobiernu Kiev nun pue xustificar la conquista de la nuesa república coles bayonetes xermano-austriaques, nunos derechos históricos, destintos al drechu conquista...»

El 9 d'abril el Conseyu Comisarios del Pueblu camudose a Lugansk, onde tomó medíes tendentes a la creación del exércitu Donetsk. L'exércitu Donetsk-Krivoy Rog opuso una dura resistencia. A pesar la desproporción de fuercies d'ente 10 y 15 vegaes, a los alemanes, tardaron un mes en tomar Kharkiv. Hubo dures batalles en Kupyanska y Rodakovo nel Donbass, e incluyendo contraataques.^[24] L'exércitu la república contaba inicialmente con ocho mil quinientes bayonetes. Nutriose'l exércitu del 8vo exércitu del frente rumanu en retirada. El caberu comandante'l exércitu foi Anatoli Gekker (Анатолий Ильич Геккер). El 5 d'abril creose'l estau mayor del exércitu. El 7 d'abril Anatoli Gekker foi sustituyío por Pyotr Baranov (Пётр Ионович БАРАНОВ), contando ya con trece mil homes nel so exércitu.^[25] A pesar de tar teóricamente subordinaos a Antónov-Ovséyenko, L'exércitu tinía un funcionamientu independiente, y solu'l 23 d'abril iniciose'l enllace col mesmu. L'última capital de la República, Lugansk, cayió'l 28 d'abril en manes de los alemanes.^[24] Pa mayu, l'estáu mayor y l'exércitu'l Donetsk-Krivoy Rog retiróse organizamente'n direición a Novocherkask, ya ensin comunicación con Antónov-Ovséyenko,^[26] na vecina república'l Don, colando con ellos el gobiernu la República de Krivoy Rog-Donetsk.^[4]

El Comité Executivu Central de Toles Rusies nun reconoció la de Krivoy Rog-Donetsk, nin como república independiente, nin como parte la Federación Rusa. En los telegrames dirixíos al representante'l Soviet de Comisarios del Pueblu n'Ucraína Sergo Ordzhonikidze, asina como a Vladímir Antónov-Ovséyenko, Lenin ordenó un severu respetu pa la soberanía de l'Ucrania Soviética y la so non intervención n'actividá del Soviet de Comisarios d'Ucraína, táctu na cuestión nacional, y la so preocupación nel reforzamientu la cooperación ente les repúbliques soviétiques ucraniana y rusa.^[27]

Durante'l desarrollu'l III Congresu de los Soviets de Toa Rusia, Artióm intentó obtener el consentimientu pa la creación de la República de Krivoy Rog-Donetsk. N'eneru 1918 Lenin instó a la convocatoria urxente del II Congresu de los Soviets de Tolos Ucraínos, pa la constitución d'un gobiernu competente pa l'Ucraína Soviética, y finar col separatismu la República de Krivoy Rog-Donetsk. Discutióse ente Zatonsky, Lenin y Antónov-Ovséyenko el nomamientu de Artióm n'algún puestu representante del Soviets de Comisarios del Pueblu n'algún llugar de Rusia, pa'intentar obligalu col alejamientu, a desechar l'idea de la constitución de la República de Krivoy Rog-Donetsk, aunque nunn se llegó a materializar.^[4]

Demasiau tarde los miembros del Comité Rexonal del partíu, (como "Artióm"- F. Sergeev y V. Mezhlauk), reconocieron l'error na toma decisión na constitución de la República de Krivoy Rog-Donetsk, aunque otros miembros del Comité Rexonal continuaron cola llucha pola autonomía. En rellación a esto, V. Lenin, en carta'l Comisariu Extraordinariu pa Ucraína, Sergo Ordzhonikidze, indicó:^[28]

la persistencia dalgunos camaraes de la cuenca de Donetsk na so obstinación y nocivu caprichu, completamente inadmisible nel funcionamientu del nuesu partíu

Hubo un rápidu avance'l exércitu bolxevique na so campaña escontra La Rada Central Ucraína, tomando Kiev de 23 de xineru de 1918, convocándose rápiamente'l Congresu los Soviets de Toa Ucraína.^[29]

El 31 de xineru 1918, Artióm comunicó al Comité Executivo Central de Toles Rusies y al so presidente, Yakov Sverdlov, la decisión tomá con respectu a la República de Krivoy Rog-Donetsk. Recibiose como rempuesta un llacónicu telegrama firmau por Yakov Sverdlov el 17 de febreru de 1918, diciendo:^[30][31]

« la dixebración considérase nociva»

Finando febreru, V. Lenin reuniose con Mezhlauk, y a principios de marzu con Artióm (F. Sergeev), y convenciolos de l'equivocación de la dixebración de la cuenca del Krivoy Rog-Donetsk de la estructura d'Ucraína, debío a les necesidaes creaes cola ofensiva'el exércitu austriacu-alemán, col fin d'ofrecer un frente únici escontra'l enemigu externu.^[4]

Definiose como argumentu la necesidá conyuntural de defensa, en vez del argumentu la necesidá d'un estau nacional ucranianu, aunque fuese na so variante soviética. Lenin ordenó a Sergo Ordzhonikidze que convenciese a S. Vasilchenko, M. Zhakov y otros miembros del Secretariau de Comisarios del Pueblu de la República Soviética de Krivoy Rog-Donetsk qu'habíen tomau una posición inflexible escontra l'integración na República Soviética d'Ucraína.^[32]

El 15 de marzu 1918, en sesión del Comité Executivo Central de Toles Rusies presidía por V. Lenin, cola asistencia de V. Zatonsky y V. Shahraj por parte la Secretaría Popular de la República Soviética d'Ucraína y (F.Sergeev) "Artióm" por parte la República Soviética de Krivoy Rog-Donetsk, discutióse sobre les rellaciones ente ambes, na que decidióse la convocatoria'l II Congresu de los Soviets de Toa Ucraína, incluyendo a la cuenca del Krivoy Rog-Donetsk, subrayando en la decisión:^[33]

« Nel congresu, ye necesariu crear un gobiernu únicu pa toa Ucraína»

La decisión del Comité Central del partíu cúmplese nel Krivoy Rog-Donetsk, aunque non ensin oposición interna.^[4]

El II Congresu los Soviets de Toa Ucrania, realizáu en Ekaterinoslav ente'l 17 y 19 de marzu 1918, establecióse la xunión de la República Popular d'Ucraína y la formación d'un frente únicu escontra'l enemigu.^[4]

Cola firma'l alcuerdu ente la Rusia Soviética y Alemania'l 27 d'agostu 1918, nel so artículu 12 determinó que'l Donbass sería ocupau temporalmente por Alemania, conservando Rusia'l drechu prioritariu de la extraición del carbón de la cuenca'l Donetsk.^[34]

El Soviet de Defensa emitió una decisión el 17 de febreru 1919, encargando al camarada Stalin la disolución de la cuenca del Krivoy Rog-Donetsk. El congresu'l Partíu del Krivoy Rog-Donetsk, puestu pal 20 de febreru 1919, nun llegó a realizase. La República Soviética de Donetsk foi liquidá dende enrriba, ensin llegase a realizar el referendu propuestu. Aun na década 1920, M. Skripnik afirmaba sobre'l Donbass qu'era «una les dificultaes principales del nuesu trabayu n'Ucraína», de lo que deduzse que les aspiraciones d'autonomía del Krivoy Rog-Donetsk allargáronse hasta mediaos de la década 1920.^[34]

El principal muérganu económicu la República yera'l "Soviet Económicu Nacional Rexonal del Sur" (ЮОСНХ), siendo una les estructures mas eficaces de Rusia. Taba dirixía pol inxenieru minas V.Bazhanov.^[27]

Creose'l GlabZajar (Главсахар), dirixía por Zuev (Зуев), encargá de la industria azucrera, alministrando les plantaciones y los embarques azucareros, introuciendo privilexios a los comerciantes privaos.

El Soviet Económicu Nacional Rexonal del Sur nun solu nun yera un obstáculo pal desarrollu'l comerciu privao interior al por menor, sino, qu'exerció la so defensa frente les aiciones arbitraries de los Soviets llocales.^[27][34]

Ente febreru y marzu 1918 nel Donbass fueren nacionalizaes cerca 100 sociedaes anónimes. En marzu habíense nacionalizau 230 mines que pertenecíen a 16 sociedaes anónimes, xuníes nel “Ugelsoyuz” («Углесоюз»-Unión carbonífera), tiniendo la industria nacionalizá mas grande'l Donbass, tiniendo un pesu perimportante nun solu pa Ucrania, sinón pa tol país soviéticu. Solamente nueve de les grandes fábriques metalúrgiques, nacionalizaes n'eneru 1918 proveíen el 80% del fierru fundío y l'aceru consumíu, y les mines nacionalizaes proveían el 50% del carbón.^[28]

La responsabiliá los problemes sociales de la República Soviética de Krivoy Rog-Donetsk taben a cargu'l Comisariau del Trabayu, dirixío pol Comisariu'l Pueblu B. Magidov. Organízase como departamentu independiente dientru'l Soviet Económicu Nacional Rexonal del Sur, encargándose la realización coleutiva de contratos, fixación del sueldu mínimu, resolución de conflictos llaborales, seguridad social, llucha escontra'l desempleu, etc.^[27]

Los asuntos educativos y culturales taben a cargu'l Comisariau pa l'Instrucción Pública, a cargu'l Comisariu del Pueblu M. Zhakov. Créanse los Soviets llocales d'instrucción pública. En marzu, esti Comisariau prohibió'l cierre d'escuelas, introduxo l'enseñanza gratuita, abrió establecimientos educativos p'adultos, entamó los programes de liquidación del analfabetismu, entamó los programes recreativos infantiles, etc.^[34]

Ente los Comisarios del Pueblu la República de Krivoy Rog-Donets, nun se atopen bolxeviques ucraínos. V. Lenin sobreentiendió esti fechu na recapitulación del periodu 1917-1919, col menospreciu al significau de la cuestión nacional, y la tendencia a los grandes gobiernos n'Ucraína, escribiendo al respectu, que “muy a menúo, peca la Gran Rusia”.^[27]

Sobre la República de Krivoy Rog-Donetsk pronunciáronse nel I Congresu Soviets de diputaos campesinos de Toa Ucraína realizáu ente'l 20 y 22 de xineru en Kharkiv, en los Congresos de Gobiernu de los Soviets de diputaos campesinos d'Ekaterinoslav realizáu del 21 al 23 de xineru y del 28 al 30 de xineru, nel VII Congresu delegaos ferroviarios de Ekaterinoslav realizáu el 26 de xineru, los Soviets llocales de Bajmut, Druzhkov, Kamensk, Nikopol, Alesandrov, Pavlograd, Izium, Chuguevs ente otros munchos realizaos durante xineru y febreru 1918.^[4]

A pesar de too lu anterior, prevalece la fusión de toles entidaes soviétiques nel territoriu d'Ucraína, establecía nel II Congresu Soviets de Toa Ucraína, inclusive con una fuerte y activa oposición por parte los delegaos de la cuenca de Krivoy Rog-Donetsk, hasta'l puntu que expulsase del partíu a algunos d'ellos por expresar públicamente la so oposición, como a V.Filov, como miembros “antipartíu”.^[4]

En resumen, les voluntaes separatistes de los bolxeviques del Krivoy Rog-Donetsk contradecíen les necesidaes de la construcción estatal. Asina mesmu, estes idees separatistes nun tuvieron demasiá repercusión nes mases populares, podiendo afirmase que tuvieron una llimitá defusión ente nun solu los bolxeviques, sinón ente la población en xeneral.^[4]

Nel sentíu contrariu, afírmase que la República de Donetsk-Krivoy Rog tuvo una amplia base, surxía del propiu territoriu y nun como imposición foriata, tiniendo como oponentes a nacionalistes ucraínos, soviéticos ucraínos y soviéticos de Rusia, que la forzaron a ser integrá n'Ucraína.^[35]

En too casu, siendo los bolxeviques de la República de Donetsk-Krivoy Rog la base más importante pal Partíu Comunista d'Ucraína, y tiniendo en principiu l'intención de ser integraos en Rusia y non en Ucraína, nun los salvó en casu dengunu de les purgues stalinistes de 1937, ya que de los 102 miembros y candiatos del Comité Central d'Ucraína, solu sobrevivieron 3.^[36]

• Les provincies de Donetsk (Донецкий кряж), 19 febreru de 1998
• Hestoria de la ciudada y de la RSS d'Ucraína nel Oblast de Donetsk. Kiev (История городов и сел УССР. Донецкая область) — 1976.
• S. V. Kulchitsky (Кульчицкий С.В) Historia de los Trabajadores del Donbass, Tomo ¡ (История рабочих Донбасса т.1); Naukova Dumka (Наукова думка), 1981. — páxina 328.
• A. I. Zarubin (А.И. Зарубин) (Lleiciones del Cursu de Hestoria del Partíu Comunista la Xunión Soviética. (Курс лекций по истории КПСС). Segunda edición. Moscú. editorial Militar del Ministerio de la Defensa de la URSS. Páxina 512.

• Валерий СОЛДАТЕНКО в «Зеркало недели» (n'ucraín)
• http://www.edrus.org/content/view/290/68/
• http://www.apn.ru/publications/article1195.htm
• http://infodon.org.ua/history.php?page=2&section=8&article=1
• http://infodon.org.ua/history.php?page=2&section=8&article=2
• http://infodon.org.ua/history.php?page=2&section=8&article=3
• http://infodon.org.ua/uzovka/62
• V. I. Lenin La constitución del Poder Socialista Soviético (ochobre 1917-1918) (В.И. Ленин — основатель Cоветского социалистического государства (октябрь 1917–1918 гг.)) (n'ucraín)
• Dmitri Kornilov (Корнилов Дмитрий Владимирович)Mitos y fechos de la República de Donetsk-Krivoy Rog (Calificau polos nacionalistes ucraínos como rusófilu).