El rexonalismu asturianu vien tando representáu nos últimos años por fuercies mayoritariamente de centru-derecha como la Unión Renovadora Asturiana y Convergencia Democrática Asturiana (esti últimu nun tien nenguna representatividá) anque tamién ye cierto que na transición hebio proyeutos d'izquierdes como'l PSPA (Partíu Socialista Popular d'Asturies) de 1977 y que poco dempués d'algamar un 7,9% de votu finaría inxertándose nel PSOE o Unidá Rexonalista nes eleiciones de 1977 y que disolveríase mizcu dempués.
Anguaño, Foru Asturies ye'l partíu rexonalista asturianu que meyores resultaos eleutorales tien, llogrando la presidencia d'Asturies al pocu tiempu de ñacer. Tamién ye l'únicu en llograr representación nel Congresu de los Diputaos y nel Senáu.
El rexonalismu de fines del sieglu XIX y entamos del sieglu XX foi mayoritariamente conservador , siendo representáu pola Xunta Rexonalista en 1918.