Soong Ching-ling
Soong Ching-ling (Chinu simplificáu: 宋庆龄, Chinu tradicional: 宋慶齡, pinyin: Sòng Qìnglíng, Wade-Giles: Sung Ch'ing-ling), (Kunshan, 27 de xineru de 1893-Beixín, 29 de mayu de 1981), conocida como «madam Sun Yat-sen», foi una destacada política china, vicepresidenta de China ente 1949 y 1968, depués copresidenta de China ente 1968 y 1972 y más tarde vicepresidenta dende 1972 hasta 1975 y foi presidenta de China dende'l 16 de mayu de 1981 hasta'l 28 de mayu de 1981.
.svg){kind=small}
Biografía
Soon Ching-ling nacìó en Kunshan (Jiangsu), el 27 de xineru de 1893. Fía de Charlie Soong, un predicador llaicu metodista que de la nueche al día se convirtió nun ricu home de negocios. El so nome (cristianu) de pila foi Rosamond.De neña asistió a la escuela Motyeire pa neñes en Shanghai, y graduóse na Universidá Wesleyana de Macon, Georgia, Estaos Xuníos.
Foi una de les hermanes Soong, trés hermanes que tuvieron un protagonismu políticu bien relevante na China de principios de sieglu XX. Ocupó'l cargu de vicepresidenta de China dende 1949 hasta 1975. Amás tuvo de volao al cargu de la presidencia del so país; foi mientres unos pocos díes nel mes de mayu de 1981. Tamién conocida como Madam Sun Yat-sen, Ching-ling foi descrita más tarde polos historiadores como "aquella qu'amó a la China".
Casóse con Sun Yat-sen en Xapón, el 25 d'ochobre de 1915 dempués de qu'esti divorcióse de Lu Muzhen. Los padres de Ching-ling opunxéronse descomanadamente a la unión y rompieron rellaciones cola so fía dempués de qu'ésta se concretara. Como cristianos devotos víen con ofiendo'l fechu de que Sun tuviera 26 años más que Ching-ling. Amás el doctor Sun traicionara l'enfotu de la familia Soong y n'especial de Charlie que depositara una gran fe nél.
Morrió'l 29 de mayu de 1981.
Premios
- Stalin de la Paz
Ver tamién
Referencies
Enllaces esternos
Datos: Q17132
Multimedia: Soong Ching-ling
