İbrahim Vəlizadə (leytenant, 1998)
İbrahim Səməd oğlu Vəlizadə (11 iyun 1998, Şərur, Naxçıvan Muxtar Respublikası – 2020, Murovdağ, Kəlbəcər rayonu və ya Azərbaycan) — Azərbaycan Silahlı Qüvvələrinin leytenantı, İkinci Qarabağ müharibəsi şəhidi. İtkin.
| İbrahim Vəlizadə | |
|---|---|
.jpeg) | |
| Şəxsi məlumatlar | |
| Doğum tarixi | |
| Doğum yeri | Vərməziyar, Şərur rayonu, Naxçıvan Muxtar Respublikası, Azərbaycan |
| Vəfat tarixi | (22 yaşında) |
| Vəfat yeri | Murovdağ, Kəlbəcər rayonu, Azərbaycan |
| Vətəndaşlığı |  Azərbaycan |
| Atası | Səməd Vəliyev |
| Anası | Xurşud Vəliyeva |
| Hərbi fəaliyyəti | |
| Mənsubiyyəti |  Azərbaycan Ordusu |
| Qoşun növü |  Quru Qoşunları |
| Xidmət illəri | 2018–2020 |
| Rütbəsi | Leytenant |
| Döyüşlər | İkinci Qarabağ müharibəsi • Murovdağ döyüşləri |
| Təltifləri |    |
Həyatı
İbrahim Vəlizadə 1998-ci il iyunun 11-də Naxçıvan Muxtar Respublikasının Şərur rayonunun Vərməziyar kəndində anadan olub.[1]
Hərbi xidməti
Azərbaycan Ordusunun leytenantı olan İbrahim Vəlizadə 2020-ci il sentyabrın 27-də Azərbaycan Silahlı Qüvvələri tərəfindən Ermənistan işğalı altında olan ərazilərin azad edilməsi və Azərbaycanın ərazi bütövlüyünün bərpa olunması üçün başlanan İkinci Qarabağ müharibəsi zamanı Murovdağ istiqamətində gedən döyüşlərdə savaşıb. İbrahim Vəlizadə sentyabrın 27-də Murovdağ döyüşləri zamanı itkin düşüb.
Müdafiə Nazirliyi tərəfindən rəsmi olaraq itkin düşən hərbi qulluqçu hesab olunmuşdur və onun tapılıb ailəsinə məlumat verilməsi üçün zəruri tədbirlər görülmüşdür, lakin uzun müddətli axtarışlar nəticə vermədiyindən İbrahim Vəlizadəyə "şəhid" statusu verilmişdir.
Azərbaycan Respublikasının müstəqilliyinin, ərazi bütövlüyünün qorunub saxlanılmasında xüsusi xidmətlərinə, öz xidməti vəzifələrini və hərbi hissə qarşısında qoyulmuş tapşırıqları yerinə yetirərkən fərqləndiyinə görə Azərbaycan Prezidenti İlham Əliyevin 25.06.2023-ci il tarixli Sərəncamına əsasən İbrahim Vəlizadə ölümündən sonra "Vətən uğrunda" medalı ilə təltif edilmişdir.[2]
Azərbaycanın Kəlbəcər rayonunun işğaldan azad edilməsi uğrunda aparılan döyüş əməliyyatlarına qatılaraq şəxsi igidliyi və şücaəti nümayiş etdirdiyinə görə Azərbaycan Prezidenti İlham Əliyevin 25.06.2023-cü il tarixli Sərəncamına əsasən İbrahim Vəlizadə ölümündən sonra "Kəlbəcərin azad olunmasına görə" medalı ilə təltif edildi.[2]
Təltifləri
(26.06.2018) — "Azərbaycan Ordusunun 100 illiyi" yubiley medalı
(25.06.2023) — "Vətən uğrunda" medalı (ölümündən sonra)[2]
(25.06.2023) — "Kəlbəcərin azad olunmasına görə" medalı (ölümündən sonra)[2]
.svg){kind=small}
İrsi və xatirəsi
Xatirəsini əbədiləşdirmək üçün Şərur Şəhidlər Xiyabanında İbrahim Vəlizadənin büstü qoyulub.