İsmət Məmmədov
İsmət Hikmət oğlu Məmmədov (2 avqust 1993; Kürdəmir rayonu, Azərbaycan — 8 oktyabr 2020; Tərtər rayonu, Azərbaycan) — Azərbaycan Silahlı Qüvvələrinin giziri, İkinci Qarabağ müharibəsi şəhidi.
| İsmət Məmmədov | |
|---|---|
| Şəxsi məlumatlar | |
| Doğum tarixi | |
| Doğum yeri | Sor Sor, Kürdəmir, Azərbaycan |
| Vəfat tarixi | (27 yaşında) |
| Vəfat yeri | Tərtər rayonu, Azərbaycan |
| Dəfn yeri | Sor Sor, Kürdəmir, Azərbaycan |
| Vətəndaşlığı |  Azərbaycan |
| Hərbi fəaliyyəti | |
| Mənsubiyyəti |  Azərbaycan Ordusu |
| Qoşun növü |  Quru Qoşunları |
| Xidmət illəri | 2020 |
| Rütbəsi |  Gizir |
| Döyüşlər | İkinci Qarabağ müharibəsi • Madagizin azad edilməsi |
| Təltifləri |   |
Həyatı
İsmət Məmmədov 1993-cü il avqustun 2-də Kürdəmir rayonunun Sor Sor kəndində anadan olub.[1] Ailəli idi. 2 yaşlı Dəniz adında qızı yadigar qaldı.
Hərbi xidməti
Azərbaycan Ordusunun giziri olan İsmət Məmmədov 2020-ci il sentyabrın 27-də Azərbaycan Silahlı Qüvvələri tərəfindən Ermənistan işğalı altında olan ərazilərin azad edilməsi və Azərbaycanın ərazi bütövlüyünün bərpa olunması üçün başlanan İkinci Qarabağ müharibəsi zamanı Suqovuşanın azadlığı uğrunda gedən döyüşlərdə savaşıb. İsmət Məmmədov oktyabrın 8-də Madagizin azad edilməsi zamanı şəhid olub. Kürdəmir rayonunun Sor Sor kəndində dəfn olunub.
Azərbaycanın ərazi bütövlüyünün təmin edilməsi uğrunda döyüş əməliyyatlarına qatılan və hərbi hissə qarşısında qoyulmuş tapşırıqların icrası zamanı vəzifə borcunu şərəflə yerinə yetirdiyi üçün Azərbaycan Prezidenti İlham Əliyevin 15.12.2020-ci il tarixli Sərəncamına əsasən İsmət Məmmədov ölümündən sonra "Vətən uğrunda" medalı ilə təltif edildi.[2]
Azərbaycanın Suqovuşan qəsəbəsinin işğaldan azad edilməsi uğrunda aparılan döyüş əməliyyatlarına qatılaraq şəxsi igidliyi və şücaəti nümayiş etdirdiyinə görə Azərbaycan Prezidenti İlham Əliyevin 24.06.2021-ci il tarixli Sərəncamına əsasən İsmət Məmmədov ölümündən sonra "Suqovuşanın azad olunmasına görə" medalı ilə təltif edildi.[3]
Təltifləri
(15.12.2020) — "Vətən uğrunda" medalı (ölümündən sonra)[4]
(24.06.2021) — "Suqovuşanın azad olunmasına görə" medalı (ölümündən sonra)[3]
.svg){kind=small}
