Fuad Məmmədov (əsgər)

1 avqust 1998-ci ildə Bakı şəhərində hərbçi ailəsində anadan olub. 2004-cü ildə Bakı şəhəri 221 nömrəli tam orta məktəbdə təhsil almağa başlayıb. 2015-ci ildə orta məktəbi bitirdikdən sonra Milli Aviasiya Akademiyasına daxil olub. 2020-ci ildə "Helikopter pilotu" ixtisası üzrə təhsilini tamamlayıb. Həmin ilin may ayında hərbi xidmətə çağrılıb və motoatıcı hissəsində qulluq etməyə başlayıb. "Səma" ansamblında rəqslə məşğul idi. Təhsil müddətində Türkiyə, Gürcüstan və Rusiya kimi ölkələrdə rəqs turlarında iştirak edib. Bakıda "Jara" filminin çəkilişlərində iştirak edib və əsas aktyorlardan birinin dublyoru olub. Emin Ağalarovun "Ürəyin yarısı" (Сердце пополам) klipində çəkilib. Formula yarışlarında və Jara festivalında könüllü iştirak edib.

Ailəsi

Atası – Valeri Nikolayeviç Dışin, ehtiyatda olan polkovnik, Azərbaycan Silahlı Qüvvələrində xidmət edib.

Anası – Mətanət Ərəstun qızı Məmmədova, ali təhsili bitirdikdən sonra könüllü olaraq Azərbaycan Silahlı Qüvvələrində xidmət edib.

Füzuli, Cəbrayıl və Xocavənd uğrunda döyüşlərdə iştirak edib. 21 oktyabr 2020-ci ildə işğal olunmuş ərazilərin azad edilməsi üçün mübarizə apararkən cəbhənin Xocavənd istiqamətindəki döyüşdə həlak olub.

• (15 dekabr 2020) — "Vətən uğrunda" medalı (ölümündən sonra)^[2]
• (24 dekabr 2020) — "Cəbrayılın azad olunmasına görə" medalı (ölümündən sonra)^[3]
• (24 iyun 2021) — "Füzulinin azad olunmasına görə" medalı (ölümündən sonra)^[4]
• (24 iyun 2021) — "Xocavəndin azad olunmasına görə" medalı (ölümündən sonra)^[5]
• (5 noyabr 2022) — 3-cü dərəcəli "Vətənə xidmətə görə" ordeni (ölümündən sonra)^[6]

• Fuad Valeryeviç Məmmədov Arxivləşdirilib 2021-03-02 at the Wayback Machine
• Şəhid anası: Oğlum şəhid olan gün qolumdakı saat qəfil dayandı (VİDEO)
• Şəhid anası: "Oğlum şəhid olan gün qolumdakı saat qəfil dayandı" — VİDEO
• Şəhid anası: "Oğlum şəhid olan gün saatım dayandı" — VİDEO