Mehdi Məhərrəmov
Mehdi Məhərrəmov (26 iyun 1973, Daşkənd, Vardenis rayonu – 5 fevral 1993, Ağdərə rayonu) — Birinci Qarabağ müharibəsi iştirakçısı, itkin.[1]
| Mehdi Məhərrəmov | |
|---|---|
| Mehdi Əmirхan оğlu Məhərrəmov | |
 | |
| Şəxsi məlumatlar | |
| Doğum tarixi | 26 iyun 1973 |
| Doğum yeri | |
| Vəfat tarixi | 5 fevral 1993 (19 yaşında) |
| Vəfat yeri | |
| Vətəndaşlığı | |
| Atası | Molla Əmirxan[d] |
| Təhsili |
|
| Hərbi fəaliyyəti | |
| Rütbəsi | əsgər |
| Döyüşlər | |
Həyatı
Mehdi Məhərrəmov 26 iyun 1973-cü ildə Göyçə mahalının Basarkeçər rayonunun Daşkənd kəndində anadan olmuşdur.[2] 1980-ci ildə Basarkeçər rayonu Daşkənd kənd orta məktəbinin I sinfinə getmişdir.
1988-ci ildə azərbaycanlıların Ermənistandan köçürülməsi zamanı ailəsi ilə birlikdə doğulduğu kənddən məcburən köçməli olmuş, Bərdə rayonunun Yeni Daşkənd kəndində məskunlaşmışdır.
Mehdi Məhərrəmov 1990-cı ildə Yeni Daşkənd kənd orta məktəbini bitirmişdir. Orta məktəbdə oxuduğu illərdə atası Molla Əmirxandan dini təhsil də almışdır.[3]
11 mart 1992-ci ildə Bərdə RHK tərəfindən hərbi xidmətə çağrılmış, Qarabağ uğrunda gedən döyüşlərin iştirakçısı olmuş, Ağdərə rayonunda gedən döyüş əməliyyatlarında N saylı hərbi hissənin bacarıqlı rabitəçisi və atıcısı kimi xidmət göstərmişdir.[4]
5 fevral 1993-cü ildə Ağdərə rayonunun Çıldıran kəndində gedən döyüşlər zamanı itkin düşmüşdür.[5] Məzarının yeri məlum deyil. Ona Bərdə rayon Xalq Məhkəməsi tərəfindən şəhid adı verilmişdir.
Ailəsi
Subay idi. Şair Həsən Xəyallının nəvəsi, din xadimi Molla Əmirxanın oğlu, şair-zabit Əli Məhərrəmovun qardaşıdır.
Xatirəsi
EL TV "Əsgər" verilişinin 2018-ci il tarixli "Şəhidlər" rubrikasında Mehdi Məhərrəmovun həyatı və döyüş yolu haqqında sənədli film yayımlamışdır.
24 iyun 2023-cü ildə 50 illik yubileyi qeyd olunmuş, haqqında "Göyçədən başlanan şəhidlik yolu" adlı kitab yazılmışdır.
İstinadlar
Mənbə
- Səyyad Şairov. "Yaralı Göyçə" Bakı. Nurlan-2006. səh.39–40
- Qocaman Qocamanov "Göyçə mahalında, Daşkənd elində" "Nurlan" nəşriyyatı-2007. səh. 23
- Səyyad Şairov. "Şəhid Mehdi Məhərrəmov", Göyçə məşəli qəzeti. № 07(07). 24 aprel 2009-cu il.
- "Azərbaycan Respublikası Xatirə Kitabı", IX cild, M(M…-Məmmədov L.), Respublika Xatirə Kitabı Redaksiyası, Bakı, 2009. səh.256.
- Araz Yaquboğlu, "Ömrün şəhidlik zirvəsi", Bakı, "Elm və təhsil", 2012.