Şüvəlan FK
Şüvəlan FK — Azərbaycanın Bakı şəhərinin Şüvəlan qəsəbəsini təmsil edən peşəkar futbol klubu.
| Şüvəlan FK | |||
|---|---|---|---|
| Klubun tam adı | Şüvəlan Futbol Klubu | ||
| Ölkə | |||
| Ləqəb(lər) | Təyyarəçilər | ||
| Rəng(lər) | sarı-qara | ||
| Yaranma tarixi | 1996 | ||
| Bağlama tarixi | 2019[1] | ||
| Stadionu | AZAL Arena - Şüvəlan | ||
| Tutumu | 3000 | ||
| Prezidenti |  Zaur Axundov | ||
| Baş məşqçisi | Aqil Nəbiyev | ||
| Liqa | Azərbaycan Birinci Liqası | ||
| 2018-2019 | 7 | ||
| Rəsmi saytı | |||
 Vikianbarda əlaqəli mediafayllar | |||
Adları
- AMMK (1996-2005)
- Olimpik (2005-2009)
- Olimpik-Şüvəlan (2009-2010)
- AZAL (2010 -2017)[2]
- Şüvəlan FK (2017-)
Tarix
"Olimpik-Şüvəlan" futbol klubu adı ilə 1996-cı ildə yaradılıb.
Komanda əvvəllər AMMK adı altında (təsısçi "Azərbaycan Beynəlxalq Gənclər Komitəsi"nin (rusca Азербайджанский Международный Молодёжный Комитет-in şərəfinə) futzal üzrə həvəskarlar liqasında çıxış edib. Klub 1997-ci ildə futzal üzrə həvəskarlar liqasında 8 komanda arasında 1-ci olub. Bir çox futzal turnirlərində ölkəmizi təmsil edib. Daha sonra peşəkar futzal liqasına qatılan AMMK daim mükafatlar uğrunda mübarizə aparıb. 2002/2003-cü il Futzal üzrə Çempionlar Liqasında Azərbaycanı təmsil edib və qrup oyunlarında ikinci yeri tutub. 2004-cü ildə AFFA-da peşəkar futbol klubu kimi qeydiyyatdan keçib və həmin ildə 17 yaşlılardan ibarət milli komandanın bazasında AMMK adı altında 1-ci dəstədə mübarizə aparıb. AMMK mövsümün yekununda 1-ci yeri tutaraq güclülər dəstəsinə vəsiqə qazanmışdır. 2005-ci ilin avqust ayında klub adını dəyişərək "Olimpik" adlanıb. 2005/2006-cı il mövsümündə komanda Azərbaycan Çempionatında 12-ci yeri tutub. 2006/2007-ci il mövsümündə komanda heyətini gücləndirərək qarşısına iddialı məqsədlər qoyub. Xüsusən ölkəmizin ən güclü məşqçilərindən biri olan Əsgər Abdullayevin gəlişindən sonra "Olimpik" daha yaxşı nəticələr qazanmağa başlayıb. 2006/2007-cil mövsümünü 5-ci yerdə bitirən klubumuz 2007/2008-ci il mövsümündə çempionluğu son turda əldən vermiş və vitse-çempion adını qazanmışdır. 2008/2009-ci illər Avrokuboklar mövsümündə ölkəmizi UEFA-nın klub yarışlarında təmsil edən "Olimpik" birinci təsnifat mərhələsində Serbiyanın "Voyvodina" komandası ilə qarşılaşmışdır. İlk oyunda səfərdə 1-0 hesabı ilə məğlub olan "Olimpik" Bakıdakı oyunda heç-heçə (1-1) etmişdir. Bununla da klubumuz mərhələ keçmək vəzifəsinin öhdəsindən gələ bilməmişdir.
2009-2010-cu il mövsümündən etibarən klubun adı "Olimpik-Şüvəlan" adına dəyişdirilib.[3]. 2010/11 mövsümündən isə futbol klubu AZAL adlandırılıb. Komanda 3 may 2017-ci ildə fəaliyyətini dayandırsa da 3 gündən sonra yenidən fəaliyyətini bərpa etdi. Komanda Birinci Divizyonda yeni adla -"Şüvəlan" adı altında çıxış edir.
Uğurları
- Azərbaycan Premyer Liqası:
- Gümüş medal - 2007/2008
- Azərbaycan Birinci Liqası
Premyer-liqada və kubokda çıxışı
| Sezon | Divizion | Yer | O | Q | H | M | QV | QB | X | Azərbaycan Kuboku |
|---|---|---|---|---|---|---|---|---|---|---|
| 2004/05 | 2nd | 1 | 14 | 10 | 3 | 1 | 25 | 9 | 33 | 1/16 Final |
| 2005/06 | 1st | 12 | 26 | 5 | 8 | 13 | 15 | 27 | 23 | 1/8 Final |
| 2006/07 | 1st | 6 | 24 | 11 | 8 | 5 | 28 | 17 | 41 | 1/8 Final |
| 2007/08 | 1st | 2 | 26 | 17 | 7 | 2 | 29 | 7 | 58 | 1/4 Final |
| 2008/09 | 1st | 6 | 26 | 12 | 8 | 6 | 32 | 18 | 44 | 1/4 Final |
| 2009/10 | 1st | 7 | 42 | 16 | 13 | 13 | 47 | 29 | 61 | 1/2 Final |
| 2010/11 | 1st | 4 | 32 | 13 | 10 | 9 | 36 | 28 | 49 | 1/2 Final |
| 2011/12 | 1st | 7 | 32 | 12 | 8 | 12 | 44 | 44 | 44 | 1/4 Final |
| 2012/13 | 1st | 7 | 32 | 16 | 9 | 7 | 57 | 32 | 57 | 1/8 Final |
| 2013/14 | 1st | 8 | 36 | 6 | 13 | 17 | 29 | 49 | 31 | 1/8 Final |
| 2014/15 | 1st | 6 | 32 | 10 | 9 | 13 | 37 | 42 | 39 | 1/4 Final |
| 2015/16 | 1st | 7 | 36 | 13 | 7 | 16 | 26 | 38 | 46 | 1/8 Final |
| 2016/17 | 1st | 8 | 28 | 1 | 7 | 20 | 10 | 1/4 Final |
Avropa kuboklarında iştirakı
| Turnir | İl | Mərhələ | Ölkə | Klub | Ev | Səfər | Ümumi |
|---|---|---|---|---|---|---|---|
| UEFA Kuboku | 2008/2009 | Q1 |  Serbiya | Voyvodina | 1–1 | 0–1 | 1–2 |
| UEFA Avropa Liqası | 2011/2012 | Q1 |  Belarus | Minsk | 1–1 | 1–2 | 2–3 |
Baş məşqçiləri
- Şakir Qəribov (iyun 2004 - may 2005) – 16 oyun
- Stepan Çordaş (iyun 2005 – avqust 2005) – 3 oyun
- Camaləddin Əliyev – baş məşqçi əvəzi (2005 avqust) – 4 oyun
- Peter Kurçubiç (2005 avqust – 2006 may) – 23 oyun
- Əsgər Abdullayev (2006 iyun – 2009 noyabr) – 105 oyun
- Nazim Süleymanov (2009 noyabr – 2011 iyun) – 64 oyun
- Elxan Abdullayev (2011 iyun - oktyabr)
- Rafiq Mirzəyev (2011 oktyabr-2012 aprel)
- Vaqif Sadıqov (2012 aprel-2014 mart)[4]
- Tərlan Əhmədov (2014 mart)
Beynəlxalq Futbol Tarixi və Statistikaları Federasiyasının reytinq cədvəlində
2015-ci il 7 Avqust tarixində açıqlanan klublarının dünya reytinqində 2.825 xal ilə Azərbaycan klubları arasında 7-ci, dünyada isə 350-ci pillədə başa vurmuşdur[5].