Rəhman Hacıyev (jurnalist)
 | Bu məqalə ictimai şəxs haqqındadır. Futbolçu üçün Rəhman Hacıyev (futbolçu) səhifəsinə baxın. |
Rəhman Tofiq oğlu Hacıyev və ya Rəhman Hacı (17 aprel 1980, Bakı, Azərbaycan SSR) — Azərbaycan Respublikasının əməkdar jurnalisti, Qarabağ Dirçəliş Fondunun İdarə Heyətinin sədri.[1][2]
| Rəhman Hacıyev | |
|---|---|
| Doğum tarixi | |
| Vətəndaşlığı |  Azərbaycan |
| Təhsili | Bakı Dövlət Universiteti (1997-2003) IE Business School (2019-2020) |
| Fəaliyyəti | jurnalist, baş redaktor, idarəçi |
| Fəaliyyət illəri | 2002-indiyədək |
| Mükafatları |  [1] |
| qdf.az | |
Bioqrafiya
Rəhman Tofiq oğlu Hacıyev 17 aprel 1980-ci ildə Bakı şəhərində anadan olub.[3]
1987-1997-ci illərdə Bakı şəhəri, 63 saylı orta məktəbdə oxuyub. 1997-2003-cü illərdə Bakı Dövlət Universitetinin “Beynəlxalq münasibətlər” fakültəsində bakalavr və magistr pilləsi üzrə təhsil alıb. Və universiteti qırmızı diplomla bitirib.[3]
2002-2008-ci illərdə MBASK Sığorta Şirkətinin İdarə Heyətinin üzvü olmaqla həmin şirkətdə müxtəlif vəzifələrdə işləyib.[3] 2008–2018-ci illərdə “Media Prima” şirkətinin təsisçisi, məşhur yazar Qrem Uilsonla bərabər bir sıra kitab layihələrinin həyata keçirilməsində məsləhətçi və redaktor qismində iştirak edib.[4][5]
2009-2021-ci illərdə “The First News” İnformasiya Agentliyinin (1news.az) baş redaktoru və direktoru vəzifəsində çalışıb.[3][6] Həmçinin, 2011-2021-ci illərdparalel olaraq ə Azərbaycan Respublikası Prezidentinin İşlər İdarəsinin “Bakinskiy Raboçiy” qəzetinin baş redaktoru vəzifəsində çalışıb.[3][6]
2016-2021-ci illərdə Azərbaycanda ən böyük həvəskar futbol turnirlərini təşkil edən MFL SPORTS MMC (www.mfl.az) şirkətinin direktoru və həmtəsisçisi kimi futbolu və sağlam həyat tərzini təbliğ edib.
2018-ci ildən indiyə kimi Sabah Futbol Klubunun İdarə Heyətinin üzvüdür.[7]
Həmçinin, 2018-ci ildən Azərbaycan Respublikası Mətbuat Şurasının İdarə Heyətinin üzvüdür.
2020-ci ilin 22 iyulunda Azərbaycan Respublikasında kütləvi informasiya vasitələrinin inkişafında xidmətlərinə görə "Əməkdar Jurnalist" adına layiq görülüb.[1]
4 fevral 2021-ci il tarixində Azərbaycan Respublikası Prezidenti İlham Əliyevin Sərəncamı ilə Qarabağ Dirçəliş Fondunun İdarə Heyətinin sədri təyin edilib.[2]
Azərbaycanda istedadlı kadrların seçilməsi, inkişaf etdirilməsi üzrə keçirilən "Yüksəliş" müsabiqəsinin əsas mentorlarından biri olub.[8][9]
Nigar Əli ilə ailəlidir, 2 qızı var.[10]
Biblioqrafiya
Kitablar
(məsləhətçi və redaktor)
- Ilham: Portrait of a President (2011) [5][4] ISBN 9789948152897
- Heydar, the Rise and Fall and Rise Again of Heydar Aliyev and Azerbaijan (2013) [11] ISBN 9780957680807
- Azerbaijan Democratic Republic: A Dream that Never Died (2018) ISBN 9789948242604