Nutza:Mucalexx/Österreich1

Hauptartike: Geografie vo Esterraich, Schau aa unter: Geologie vo Esterraich

Esterraich dastreckt se in west-ästlicher, iwer maximal 575, in nord-siadlicher Richtung iwer 294 Kilometer.

Ebber 60 % vom Stootsgebit san gebirgig und håm an Åtail an d' Ostoipm (vuroim de Tiaroier Zentroioipm, Hohn Tauern und d' Niadern Tauern, d' Närdlichn Koikoipm, d' Siadlichn Koikoipm und da Weanerwoid, weshoib 's Lånd umgångssprochlich glengtlich aa ois Oipmrepublik bezaichnet werd. Närdlich vo da Doana ligt in Ower- und Niaderesterraich 's Granit- und Gnaisplatoo, a Tail vom oidn Rumpfgebirg vo da Bähmischn Massn, vo dem da Auslaifer bis in d' Tschechai und Boarn aineraichn; auf da drentan Saitn vo da Ostgrenz schliassn de Kloanen Karpatn å.

D' grossn Ewanen ling im Ostn entlång vo da Doana, vuroim 's Oipmvurlånd und 's Weaner Beckn mi'm Marchföid, sowia in da siadlichn Staiermork, de weng ira Låndschoftsänlichkait zur da Toskana aa oft „Stairische Toskana“ gnånnt werd.

's Burnglånd, ästlich vom Oipm-Karpatn-Bong, lafft in d' Pannonische Tiafewane ausse und waist sowoi låndschoftlich ois wia aa klimatisch storke Änlichkait zan ästlichn Nochbar Ungarn auf, zua dem's bis 1921 ghärt hod.

Grosslåndschoftn

Vo da Gsåmtflächn vo Esterraich (83.871,1 km²) entfoit etwoa a Virdl auf Tiaf- und Higeländer. Nur 32% vo da Låndesflächn san bewoidat.

De fimf Grosslåndschoftn vo Esterraich:

• Åntail vo d' Ostoipm (52.600 km², 62,8 % vo da Stootsflächn)
• Åntail vom Oipm- und Karpatnvurlånd (9.500 km², 11,3 %)
• Vurlånd im Ostn, Åntail vom Råndgebit vom Pannonischn Tiaflånd (9.500 km², 11,3 %)
• Granit- und Gnaisplatoo, Åntail am Mittlgebirgslånd vo da Bähmischn Massn (8.500 km², 10,2 %)
• Åntail vom Weaner Beckn (3.700 km², 4,4 %)

Tiafster Bunkt: Hedwighof (Gmoand Apetlon – Burnglånd) 114 m

Berg

D' hächstn Berg in Esterraich san d' Draitausnder und befindn se in d' Ostoipm. Mid 3.798 m is da Grossglockner in de Hohn Tauern da hächste Berg. Gfoigt werd a vo d' baidn in d' Etztoier Oipm ligatn Gipfe vo da Wüidspitzn mid 3.774 m und da Waisskuge mid 3.738 m.

D' Gebirgslåndschoft is vo ner grossn Bedaitung firn Turismus, es gibt vüi Wintersportgebite, im Summer biatn se Mäglichkaitn zum Bergwåndern und Klettern å.

Nochefoingad a Listn vo d' hächstn Berg vo Esterraich:

Seen

Schau aa unter: Listn vo d' Seen in Esterraich

Da grässte See is da Naisiadler See im Burnglånd, der mid za. 77% vo sainer Gsåmtflächn vo 315 km² in Esterraich ligt (da Rest ghärt z' Ungarn), gfoigt vom Ottersee mid 46 km² und 'm Traunsee mid 24 km² in Oweresterraich. Aa da Bodnsee mid saine 536 km² am Drailändereck mid Daitschlånd (Fraistoot Boarn und 's Lånd Bodn-Wirtmberg) und da Schwaiz ligt zua am kloanan Åtail auf esterraichischm Stootsgebit. Oierdings san d' Stootsgrenzn auf'm Bodnsee ned exakt bestimmt.

Firn Summerturismus in Esterraich håm d' Seen nem d' Berg a grosse Bedaitung, insbsundane d' Kärntner Seen, da Ossiacher See und da Waissnsee in Kärntn. Waiderne bekånnte Seen san da Mondsee und da Woifgångsee an da Grenz zwischn Soizburg und Oweresterraich.

Flüsse

Schau aa unter: Listn vo d' Fliss in Esterraich

Da grässte Tail vo Esterraich, 80.566 km², werd iwer d' Doana zan Schworzn Meer entwässert, nur kloane Gebite im Westn iwern Rhain (2.366 km²) und im Nordn iwer d' Elbe (918 km²) zur Nordsee.

Grosse Nemfliss vo da Doana san (vo Westn noch Ostn):

• Lech, Isar und Inn, de in Boarn in d' Doana mindn; se entwässern Tiaroi, de in an Inn mindate Soizach entwässert Soizburg (ausgnumman an Lungau und Taile vom Pongau);
• Traun, Enns, Ybbs, Erlauf, Pialoch, Traisn, Weanfluss und Fischa entwässan de siadlich vo da Doana (= rechtsuafrig) gleganen Gebite vo Oweresterraich, vo da Staiermork, Niaderesterraich und Wean;
• Grosse und Kloane Müi, Rodl und Aist, Kamp, Göiersboch und Ruassboch sowia d' Thaya an da Nord- und d' March an da Ostgrenzn entwässern de närdlich vo da Doana (= linksuafrig) gleganen Gebite vo Oweresterraich und Niaderesterraich;

De Mur entwässert 'n Soizburger Lungau und d' Staiermork; si mindt in Kroazien in d' Drau, de wiaderrum Kärntn und Osttiaroi entwässert. De Drau mindt in Kroazien an da Grenz zua Serbien hi in d' Doana.Da Rhain entwässert de grässtn Taile vo Vorarlberg, durchfliasst an Bodnsee und mindt in d' Nordsee.

De Lainsitz ist zwor aufgrund vo ira Gräss ned vo Bedaitung, ist ower da oanzige esterraichische Fluss, der vo Niaderesterraich iwer d' Tschechai zua Elbe hi entwässert.

Esterraich bestet aus nai Bundesländer (Wean, Niaderesterraich, Oweresterraich, Soizburg, Kärntn, Tiaroi, Staiermork, Vorarlberg, Burnglånd); Wean ois Bundeshauptstod is oas davo. De åndern ocht Länder gliadern se in 84 Bezirke, de wiaderum in Gmoandn untatailt san, sowia in 15 Statutarstäd, de d' Bezirksvawoitung söiwer ausibm.

	Bundeslånd	Hauptstod	Bevöikerung	Flächn (in km²)	Aiwoner (pro km²)	Städ	Gmoandn (insgsåmt)
	Burnglånd	Aisnstod	281.190	3.965	70,9	13	171
	Kärtn	Klongfurt	561.094	9.536	58,8	17	132
	Niadersterraich	St. Pöitn	1.597.240	19.178	83,3	75	573
	Oweresterraich	Linz	1.408.165	11.982	117,5	32	444
	Soizburg	Soizburg	530.576	7.154	74,2	10	119
	Staiermork	Graz	1.205.909	16.392	73,6	34	542
	Tiaroi	Inschbrugg	703.512	12.648	55,6	11	279
	Vorarlberg	Bregenz	366.377	2.601	140,9	5	96
	Wean	Wean	1.677.867	415	4.043,1	1	1

Stånd 1. Jenner 2008 – Datn vo da Statistik Austria^[4]

Städ und Bollungsraim

Schau aa unter: Listn vo d' Städ in Esterraich

Des mid Obstånd grässte Siadlungsgebit in Esterraich is d' Metropolregion Wean mid ner Aiwonerzoi vo 2.067.651 (Stånd 1. Jenner 2005). Dodamid konzentrirt se a Virdl vo da Bevöikarung vom Stoot in da Hauptstodregion.

Waiderne grässerne Stodregionan umgem d' Låndeshauptstäd Graz (Staiermork), Linz (Oweresterraich), Soizburg (Soizburger Lånd), und Innschbrugg (Tiaroi). Zua d' wichtigern Städ zöin waiders (vo West noch Ost) Föidkirch, Dornbirn und Bregenz (Vorarlberg), Villach und Klongfurt (Kärntn), Wöis (Oweresterraich), St. Pöitn (Niaderesterraich). Isgsåmt bsitzn runde 200 Gmoandn ser unterschiadlicher Gräss 's Recht, se ois Stod z' nennan (Stodrecht); nur bai 15 Statutarstäd is des vo vawoitungsrechtlicher Bedaitung. A grosses Problem, vuroim in wirtschoftlich schwoche Gegandn, is d' Obwåndarung (Låndflucht) vo da ländlichn Bevöikarung in d' stodingarischn Bollungsraime.

Exklavm & Enklavm

Auf esterraichischm Stootsgebit findt se mi'm Kloawoisertoi a funkzionoie Enklavm vo Daitschlånd. 's Kloawoisertoi ghärt zwor z' Esterraich (Vorarlberg) und grenzt direkt an des åne, is ower aufgrund vo da topografischn Log auf d' Strossn nur iwer Daitschlånd aus z' daglånga. A waiderne funkzionoie Enklavm vo Daitschlånd is d' Gmoand Junghoiz in Tiaroi, de vo Esterraich aus ned z' daraichn is und nur durch'n 1.636 m hochn Sorgschofn mid Esterraich vabundn is. D' Soiforst san esterraichischs Stootsgebit, stengan ower privatrechtlich im Aingtum vom Fraistoot Boarn.

A funkzionoie Enklavm vo Esterraich hod friaras auf schwaizarischm Stootsgebit beståndn. D' schwaizer Gmoand Samnaun is långe Zaid auf'm Strossnweg ned aus da Schwaiz, sondern nur iwer Esterraich (Tiaroi) aus z' daglångan gwesn. Des hod dodazua gfirt, dass d' rätoromanische Sproch im 19. Jorhundert aufgem worn is und stottdessn a 'm Tiaroier Dialekt änlicher ågnumman worn is. Desweng werd haid no in Sammnaun Boarisch gredt. Mittlarerwaile gibts zwor a schwaizer Strossn noch Sammnaun, ower es bestet noch wia vur de oanst amoi darichtate Zoifraizone. An änlichn Status wia Sammnaun hod bis 1980 d' Gmoand Spiss im esterraichisch/schwaizarischn Grenzgebit ghobt. Si is långe Zaid nur iwer Samnaun aus z' daraichn gwesn und hod mid ner storkn Obwåndarung zum kämpfm ghobt, wails im Gengsotz zua d' åndern Enklavm kaum a wirtschoftliche Entfoitungsmäglichkait zum biatn ghobt hod.