J-Pop

Ajs J-Pop (jap. ジェイポップ jeipoppu, Kuazfoam vu Japanese Pop-Music oda Japan Pop) vaschdeihd ma in Japan d'ainhaimische Popmusi.

Baim Inhajt geihds, waj in da westlichen Popmusik aa, maisdns um Liebe und Beziehungen. Oft wern in die Text aa englische Weater ajs oanzlne Begriff oda ganze Phrasn naigmischt.

Stilistisch geihd J-Pop vu R'n'B-beainflusste Songs íwa schnöün Eurobeat bis zu trancige Lieda. J-Pop konn se owa aa mit J-Rock vamischn. J-Pop hot a grouße Ehnlichkeit mit da koreanischen Popmusik (K-Pop), sodass Laid, daj wou se ned damid auskenna, de zwoa Richtunga kamm ausanandhajdn kìnna.

Im deitschschbrouchign Raum is J-Pop vorajm bai Anime-Fans populer. Des ligt dou dro, dass Komponistn und Gruppm, wou in Japan bekannt san, aa bai da Musik von Animeserien mitaawadn und dass vü prominente Anime-Synchronschbrecha aa ajs J-Pop-Künstla aftretn. Daj Sortn vu J-Pop nennt ma in Japan a oft Idol-Pop.

Vum J-Pop untaschaidn se daj im traditionöün japanischen Musiggstil komponiertn japanischn Schlaga, d'Enka.