Antoine Lavoisier

Si Antoine-Laurent de Lavoisier (Pranses: [ɑ̃twan lɔʁɑ̃ də lavwazje] UK: /læˈvwʌzieɪ/ lav-WUZ-ee-ay,^[1] US: /ləˈvwɑːzieɪ/ lə-VWAH-zee-ay,^[2][3]; 26 Agosto 1743 – 8 Mayo 1794),^[4] midbid man bilang Antoine Lavoisier pakatapos kan Rebolusyong Pranses, iyo sarong Pranses na nobleng tawo asin kimiko na sentro sa rebolusyong kimikal kan ika-18 na siglo asin iyo may dakulang impluwensya sa parehas na historya kan kimika asin historya kan biyolohiya.^[5]

Heneral na pig-aako na an pinakadakulang akomplisimiyento ni Lavoisier sa kimika iyo gikan pangenot sa pagliwat sa siyensya hali sa kwalitatibo pasiring sa kwantitatibo. Si Lavoisier iyo pinakanotable para sa saiyang pagkadiskobre sa pagganap kan oksiheno sa kombustyon. Pigbisto niya asin pigpangaranan an oksiheno (1778) asin hidroheno (1783), asin piglabanan an teoryang phlogiston. Nagtabang si Lavoisier sa paghaman kan sistemang metriko, pigsurat an pinakaenot na ekstensibong listahan kan mga elemento, asin nagtabang sa pagreporma kan nomenklaturang kimikal. Nahulaan niya an ekstinsya kan silikon (1787)^[6] asin nadiskobre na, alagad an materya pwede maliwat an porma o korte, an masa kaini iyo mantinido giraray.

Si Lavoisier iyo sarong makapangyarihang kaapil kan nagkapirang mga aristokratong konseho, asin sarong administrador kan Ferme générale. An Ferme générale iyo saro sa mga pinakahinahaboang komposisyon kan Ancien Régime huli sa mga dilensya na naguno kaini sa paggasto kan istado, an sekreto kan mga termino kan kontrata kaini, asin an pag-abuso kan mga armadong ahente kaini.^[7] An gabos na mga politikal asin ekonomikong kasibotang ini an naggasto sa saiyang mga siyentipikong pag-aadal. Sa tuktok kan Rebolusyong Pranses, pig-akusahan siya dapit sa tax asin pagbenta nin pinagbabawal na tabako, asin pigbitay.