Isabel Perón
Si Isabel Martínez de Perón (Pagsayod sa Espanyol: [isaˈβel maɾˈtinez de peˈɾon], namundag María Estela Martínez Cartas, 4 Pebero 1931), midbid man sa apod na Isabelita, sarong Argentinang politiko na nagserbing Presidente nin Argentina poon 1974 abot 1976. Siya an enot na babaeng republikanong pamayo nin estado sa kinaban.
Si Isabel Perón iyo an ikatolong agom ni Presidente Juan Perón. Durante kan ikatolong termino kan saiya ng agom sa pagkapresidente (1973 abot 1974), siya nagtukaw sabay bilang Bise-presidente asin first lady nin Argentina. Sunod sa pagkagadan kan saiyang agom sa opisyo kan 1974, siya nagserbi bilang Presidente nin haros duwang taon bago an militar nagkapot kan renda nin gobyerno. Si Perón inarestong kulong sa harong nin limang taon bago siya pinatulas sa Espanya kan 1981.[1][2]
Kan 2007 sarong Argentinang huwes pigboot na i-aresto si Peron hyuli kan sinasabing "biglaan pagkawara" kan sarong aktibista kan Pebrero 1976, sa rason an pagdukot asin pagkawara kaini resulta kan pag'autorisar niya sa hokbong armado an paghapag sa mga "subersibo".[3] Siya pigarestar harani sa saiyang harong sa Espanya kan 12 Enero 2007. [4] An mga korte sa Espanya nagsayuma na siya i-ekstraditar sa Aregentina.[5]
Poon kan magadan si Carlos Menem kan 14 Pebrero 2021, si Perón iyo an nawawalat na pinakagurang na dating presidente nin Argentina. An iba pang mga buruhay pang mga presidente nin Argentina iyo sinda Adolfo Rodríguez Saá, Eduardo Duhalde, Cristina Fernández de Kirchner asin si Mauricio Macri. An inkumbent iyo si Alberto Fernández.