Lapnad na Kinaban

An Lapnad na Kinaban iyo an daan asin dai prinobaran kan siyensiya kan korte kan Kinaban bilang sarong patag. Dakol na mga suanoy na kultura an nagtutubod sa kosmograpiya kan lapnad na Kinaban.

An ideya kan Kinaban bilang spherical naglataw kan suanoy na pilosopiyang Griyego kaiba si Pythagoras (ika-6 na siglo BC).Minsan siring, an dakol na pre-Sokratiko (ika-6—ika-5ng siglo BC) pinagdanay an modelong lapnad na Kinaban. Kaidtong kaamayi kan ika-4 na siglo BC, nagsurat si Plato dapit sa kinaban na spherical. Pag-abot kan 330 BC, an saiyang dating estudyante na si Aristotle nakapagtao nin makusog na emperikal na ebidensya para sa kinaban na spherical. An kaaraman dapit sa korteng spherical kan Kinaban luhay-luhay na naglakop sa lugar kan mga Griyego.^[1][2][3][4] Sa kaamayi kan peryodo kan Simbahan na Kristiyano, an pananaw na spherical kan Kinaban mahiwas na tinugotan, alagad igwa nin mga risang eksepsyon.

Saro iyan na mitong kasaysayan na an medieval na Europeo sa pangkagabsan naghuhuna na lapnad an Kinaban. An mitong iyan linikha kaidtong ika-17 na siglo kan mga Protestante tanganing makipagsuhayan kontra sa mga Katolikong katokdoan.^[5] Sa ibong kan katotoohan na siyentipiko asin risang mga epekto kan pagigin korteng spherical kan Kinaban, an pseudosiyentipikong^[6] teorya nin sabwatan dapit sa lapnad na Kinaban iyo an pigpapalakop kan mga modernong sosyedad kan lapnad na Kinaban asin, nagdudugang huli sa mga indibidwal na bakong kaayon sa paggamit kan medyang sosyal.