National Basketball Association
An National Basketball Association (NBA) iyo sarong propesyonal na liga nin basketbol sa Norteng Amerika. An liga iyo pigbibilog nin 30 koponan (29 sa Estados Unidos asin 1 as Kanada) sagkod iyo saro sa apat na mayor na propesyonal na liga para sa isports sa Estados Unidos asin Kanada. Ini an pangenot na panlalaking propesyonal na liga nin basketbol sa kinaban.[1]
An liga iyo namokna sa New York City kan Hunyo 6, 1946, bilang an Basketball Association of America (BAA).[2] Nagliwat ining ngaran pasiring sa National Basketball Association kan Agosto 3, 1949, pagkatapos makipagsalak sa kalaban na National Basketball League (NBL).[3] An regular na season kan NBA iyo minadalagan poon Oktubre hasta Abril, kun sain an lambang koponan nagkakawat nin 82 na laban. An tornamentong playoff kan liga iyo minaabot hasta Hunyo. Kan 2020, an mga parakawat kan NBA an pigsasabiing may pinakahalangkaw na bayad kun taunang sweldo kada parakawat an pag-uulayan.[4][5][6]
An NBA iyo sarong aktibong kaapil kan USA Basketball (USAB),[7]na iyo pigbibisyo kan FIBA (International Basketball Federation) bilang an nasyunal na namamayong lawas para sa basketbol sa Estados Unidos. An nagkapirang mga opisina kan mga koponan (internasyunal pati naman indibidwal) iyo nakadirekta hali sa pamayong opisina sa Midtown Manhattan, habang an mga istudyo kan NBA Entertainment asin NBA TV iyo nasa irarom kan mga opisina sa Secaucus, New Jersey.
Sa Norteng Amerika, an NBA iyo an ikatolong pinakamayamang propesyonal na liga nin isports pagkatapos kan National Football League (NFL) asin Major League Baseball (MLB) sa benta asin iyo yaon sa apat na pinakahalangkaw sa kinaban.[8]
Panluwas na takod
An Wikimedia Commons igwa nin medya dapit sa National Basketball Association. |
An Wikiquote igwa nin mga pagsambit na relatibo sa: National Basketball Association |
- Official website
- An liga igwa man nin opisyal na websityo sa Ingles na igwa ni mas pankinaban na perspektibo, na may pokus sa mga istorya sa luwas kan Norteng Amerika. Lokalisadong tataramong Ingles na mga bersyon, an nagkapira iyo may pakikipagtabangan sa mga pang-rehiyon na media outlet, iyo yayaon man sa Aprika, Australya, Kanada, Indya, New Zealand, asin an Filipinas.
- National Basketball Players Association
- National Basketball Referees Association
- NBA & ABA Basketball Statistics & History
- NBA & ABA Transactions Archive