Атмасфэрныя ападкі

Атмасфэрныя ападкі^[1] — вада ў вадкім, або цьвёрдым стане, выпадае з аблокаў, або абложваюцца з паветра на зямную паверхню. Ападкі з аблокаў: дождж, град, сьнег.

Адрозьніваюць:

• абкладныя ападкі, зьвязаныя пераважна зь цёплымі франтамі;
• ліўневыя ападкі, зьвязаныя з халоднымі франтамі.

Ападкі з паветра: раса, шэрань, галалёдзіца.

Ападкі вымяраюцца таўшчынёй пласта вады, якая выпала, у мілімэтрах. У сярэднім на зямным шары выпадае каля 1000 мм ападкаў у год, а ў пустэльнях і ў высокіх шыротах — менш за 250 мм у год.

Ападкі — адно з зьвёнаў вадазварота на Зямлі.