Грэцкая драхма

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Драхма.

Дра́хма — грашовая адзінка ў старажытнагрэцкіх полісах, пазьней у эліністычных дзяржавах (старажытнагрэцкая драхма) і, нарэшце, у сучаснай Грэцыі.

Драхма Δραχμή
Краіна	Грэцыя
Падзел	фэнікс
Код ISO-4217	GRD
Скарачэньне	Dr
Цэнтральны банк	«Банк Грэцыі»
Увядзеньне ва ўжытак	8 лютага 1833
Вывядзеньне з ужытку	2002
Папярэдняя валюта	грэцкі фэнікс[d] і Ionian obol[d]
Замененая валютай	эўра
Галерэя выяваў у Вікісховішчы

Пасьля атрыманьня незалежнасьці ў Грэцыі была ўведзена ўласная грашовая адзінка, якая атрымала назву «Грэцкі фэнікс» і роўная 100 лептам. 1 фэнікс быў роўны 1/6 турэцкага куруша (піястра) або 1 францускаму франку.

У якасьці грашовай адзінкі сучаснай грэцкай дзяржавы срэбраная драхма была ўведзена ў абарот каралеўскім указам 8 лютага 1833 году, у пэрыяд кіраваньня караля Атона, па намінале 1 фінікс = 1 драхма. Да гэтага, у 1828 годзе, драхму, у якасьці нацыянальнай валюты, спрабаваў усталяваць Іааніс Кападыстрыя.

Грэцыя зьведала гіпэрінфляцыю ў пэрыяд нямецкай акупацыі. Новая драхма была ўведзена 11 лістапада 1944 году. 1 новая драхма абменьвалася на 50 мільярдаў старых. Але інфляцыя працягвалася, і 1 траўня 1954 адбыўся новы абмен, 1 навейшая драхма ў абмен на 1000 старых.

1 студзеня 2002 году драхма была заменена на эўра. Афіцыйны курс складаў 340,75 драхмаў за эўра.

3 красавіка 2015 году Ўрад Грэцыі падрыхтаваў плян па нацыяналізацыі банкаўскай сыстэмы і ўвядзеньні драхмы, як паралельнай з эўра валюты. Гэты плян плянуюць рэалізаваць, калі Грэцыя ня зможа дамовіцца з Эўразьвязам аб праграме фінансавай падтрымкі. У такім выпадку ва ўраду ня будзе грошай на выкананьне сацыяльных абавязацельстваў^[1].