Cheirogaleidae
Cheirogaleidae — сямейства клясы сысуноў, якое ўключае 5 сучасных родаў і 42 віды[1]. Насяляюць толькі лясныя раёны Мадагаскара, уключаючы вечназялёныя, шыракалістыя і хмызьняковыя лясы; таксама яны сустракаюцца ў прыгарадных і сельскагаспадарчых раёнах. Выкапныя рэшткі не вядомыя[2][3][4].
| Cheirogaleidae | |
 Cheirogaleus major — тыповы від | |
| Клясыфікацыя | |
|---|---|
| Царства | Жывёлы (Animalia) |
| Тып | Хордавыя (Chordata) |
| Падтып | Хрыбетныя (Vertebrata) |
| Надкляса | Чатырохногія (Tetrapoda) |
| Кляса | Сысуны (Mammalia) |
| Падкляса | Зьвяры (Theria) |
| Інфракляса | Пляцэнтарныя (Placentalia) |
| Атрад | Прыматы (Primates) |
| Падатрад | Макраносыя (Strepsirrhini) |
| Інфраатрад | Лемурападобныя (Lemuriformes) |
| Сямейства | Cheirogaleidae |
| Бінамінальная намэнклятура | |
| Cheirogaleidae Gray, 1873 | |
Гэта самыя маленькія віды лемураў, ад 125 да 275 мм у даўжыню, хвост ад 125 да 350 мм, вага ад 30 (Microcebus berthae) да 460 г (Phaner furcifer). Маюць шэры або карычневы колер сьпіны і больш светлы, крэмавы або жаўтлявы колер нізу. Некаторыя віды маюць тлустыя пазнакі на твары. Шэрсьць часта густая і ваўняная. У цэлым, віды на ўсходзе Мадагаскара (больш засушлівыя лясы) больш чырванаватага або карычневага колеру, а віды на захадзе Мадагаскара (больш вільготныя лясы) больш шараватага колеру. Cheirogaleidae характарызуюцца доўгімі хвастамі; вушы вялікія, тонкія; ёсць добра развітыя вібрысы — тваравыя і запясьцевыя. Цела кампактнае. Вочы вялікія. Пальцы доўгія далікатныя, з закругленымі кончыкамі. У многіх відаў самцы трохі буйней самак. Зубная формула: 2/2, 1/1, 3/3, 3/3 = 36[2][4].
Яны драўняныя, начныя і сацыяльныя. Звычайна яны здабываюць ежу паасобку, але спяць днём у невялікіх сацыяльных групах. Яны ўсяедныя, ядуць плады, вусякоў, нектар, камедзь, а часам лісьце і дробных хрыбетных[2][4].
Сыстэматыка
Сямейства Cheirogaleidae
- род Allocebus — від: A. trichotis
- род Cheirogaleus — віды: C. andysabini, C. crossleyi, C. grovesi, C. lavasoensis, C. major, C. medius, C. minusculus, C. shethi, C. sibreei, C. thomasi
- род Microcebus — віды: M. arnholdi, M. berthae, M. bongolavensis, M. boraha, M. danfossi, M. ganzhorni, M. gerpi, M. griseorufus, M. jollyae, M. jonahi, M. lehilahytsara, M. macarthurii, M. mamiratra, M. manitatra, M. margotmarshae, M. marohita, M. mittermeieri, M. murinus, M. myoxinus, M. ravelobensis, M. rufus, M. sambiranensis, M. simmonsi, M. tanosi, M. tavaratra
- род: Mirza — віды: M. coquereli, M. zaza
- род: Phaner — віды: Ph. electromontis, Ph. furcifer, Ph. pallescens, Ph. parienti
Крыніцы
 | Гэта — накід артыкула па заалёгіі. Вы можаце дапамагчы Вікіпэдыі, пашырыўшы яго. |