Джумагалі Калдыкараеў

Нарадзіўся 28 сакавіка 1922 года ў ауле Іван-Яб, цяпер Хаджэкалійскага раёна Каракалпакстану (Узбекістан), у сям’і селяніна. Казах.

Адукацыя няпоўная сярэдняя. З 1937 года жыў і працаваў у калгасе імя Кірава Калінінскага раён Ташаузкай вобласці Туркменскай ССР. Скончыў курсы, працаваў трактарыстам.

Вясной 1941 года быў прызваны ў Чырвоную Армію Калінінскім РВК Ташаузкай вобласці. Удзельнік Вялікай Айчыннай вайны з 1941 года.

Асабліва вызначыўся ў баях пры фарсіраванні ракі Дняпро і ўтрыманні плацдарма на правым беразе. У ноч на 27 верасня 1943 года чырвонаармеец Калдыкараеў у складзе трох разлікаў ПТР адным з першых пераправіўся на правы бераг Дняпра ў 20 км на поўнач ад вёскі Камарын (цяпер пасёлак Брагінскага раёна Гомельскай вобласці). Захапіўшы ўчастак варожых траншэй, воіны ўтрымлівалі яго, забяспечваючы фарсіраванне ракі ротай.

За гэты бой у кастрычніку 1943 года быў прадстаўлены да прысваення звання Герой Савецкага Саюза. Але заслужаную ўзнагароду Калдыкараеў атрымаць не паспеў. 26 студзеня 1944 года ў баі ў раёне горада Мазыр (Гомельская вобласць Беларусі) чырвонаармеец Калдыкараеў загінуў. Пахаваны ў горадзе Мазыр^[1].

• Указам Прэзідыума Вярхоўнага Савета СССР ад 15 студзеня 1944 года за ўзорнае выкананне баявых заданняў камандавання на фронце барацьбы з нямецкімі захопнікамі і праяўленыя пры гэтым адвагу і геройства гвардыі чырвонаармейцу Калдыкараеву Жумагалі прысвоена званне Героя Савецкага Саюза^[2].^[3]
• Узнагароджаны ордэнам Леніна і медалямі.

• Імем Героя названыя школы ў горадзе Хаджейлі і ў калгасе імя Кірава.
• Імем Героя названа школа ў горадзе Бейнеу (Казахстан)^[4].
• Імем Героя названа вуліца ў горадзе Мазыр.

• Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1987. — Т. 1 /Абаев — Любичев/. — 911 с. — 100 000 экз. — ISBN отс., Рег. № в РКП 87-95382.

• Калдыкораев, Джумагали. Сайт «Героі краіны». (Праверана 16 сакавіка 2012).
• Калдыкораев Джумагали.
• Спіс Герояў Савецкага Саюза з Узбекістана.