Ход падзей
11 жніўня 1943 года, пасля паражэння ў Курскай бітве, немцы пачалі будаўніцтва ўмацаванняў, т. зв. «Усходняга вала», з мэтаю спыніць наступленне савецкіх войск. Галоўную частку Усходняга вала складала рака Днепр.
Наступленне савецкіх войск, якое мела мэтаю вызваленне левабярэжнай Украіны і захоп плацдармаў на правым беразе Дняпра, пачалося 26 жніўня 1943 года. У ноч на 21 верасня савецкія войскі фарсіравалі Днепр каля вусця Прыпяці, і да канца верасня, пераадолеўшы найбольш умацаваную частку Усходняга вала, захапілі 23 плацдармы на правым беразе Дняпра.
12 кастрычніка пачаўся другі этап бітвы, працягам якой былі вызваленне Запарожжа (14 кастрычніка), Днепрапятроўска (25 кастрычніка), Кіева (6 лістапада). Планы нацыстаў па стабілізацыі лініі фронта на Дняпры былі сарваныя. Поспех бітвы за Днепр стаў перадумоваю наступлення на правабярэжную Украіну і Крым.
Зноскі
Літаратура
- Николай Шефов. Russian fights. М.: Библ. военной истории, 2002.
- История Великой Отечественной войны, 1941—1945. М., 1963.
- J. Erickson, ed. Barbarossa: The Axis and the Allies. Edinburgh University Press, 1994.
- Маршал Иван Конев. Заметки командующего фронтом. М.: Наука, 1972.
- Эрих фон Манштейн. Утерянные победы. М., 1957.
Спасылкі