Дубовы кублароб[2], Лістакрут дубовы[3] (Tortrix viridana) — від матылькоў з сямейства ліставёртак. Распаўсюджаны ў Еўропе, Паўночнай Афрыцы, на Кіпры, у Іране і Ізраілі. У гады масавага размнажэння здольныя пакінуць дуб без лісця.
| Дубовы кублароб |
 |
| Навуковая класіфікацыя |
|---|
прамежныя рангі | Інфраклас: | Навакрылыя насякомыя |
| Надатрад: | Насякомыя з поўным метамарфозам |
| Надсямейства: | Tortricoidea |
| Падсямейства: | Tortricinae |
|
| Міжнародная навуковая назва |
|---|
Tortrix viridana Linnaeus, 1758 |
| Сінонімы |
|---|
- Phalaena (Tortrix) viridana Linnaeus, 1758[1]
- Tortrix viridana coeruleana Sorhagen, 1881[1]
- Tortrix suttneriana Denis & Schiffermüller, 1775[1]
- Tortrix viridana f. flavana Zincken, 1821[1]
- Tortrix viridana f. pflegeriana Vlach, 1942[1]
|
|
Марфалогія
Імага
Размах крылаў матылькоў 18-23 мм. Пярэднія крылы бледна-зялёныя або жоўта-зялёныя. Заднія крылы карычнева-шэрыя або шараватыя. Абедзве пары крылаў з белымі, размытымі вонкавымі бакамі. Галава жоўтая. Брушка даўжынёй 8 мм, шэраватае[4].
Вусень
Вусені ранніх узростаў шэрага колеру з цёмнай галавой. Вусені старэйшых узростаў становяцца шэра-зялёнымі. Дарослыя вусені даўжынёй 15-19 мм і шырынёй прыкладна 2,5 мм[4].
Яйка
Яйка круглае, дыяметрам 0,7 мм. Толькі што адкладзеныя яйкі ярка-жоўтыя, пазней становяцца карычневымі[4].
Экалогія
Вусені харчуюцца на лісці шэрагу шыракалістых дрэў, у прыватнасці дубу, а таксама клёну, бярозы, грабу, буку і таполі. Акрамя дрэў кармавымі раслінамі могуць станавіцца некаторыя віды кустоў, уключаючы прадстаўнікоў ягадніку і крапівы[4].
Адзначана мноства паразітаў і драпежнікаў з атрадаў двухкрылых, жукоў і перапончатакрылых. Сярод іх:
- тахіны — Actia crassicornis, Actia exoleta, Actia pilipennis, Arrhinomya tragica, Bessa fugax, Bessa selecta, Blondelia nigripes, Compsilura concinnata, Discochaeta evonymellae, Discochaeta hyponomeutae, Nemorilla floralis, Nemorilla maculosa, Pales pavida, Phytomyptera niviventris, Pseudoperichaeta insidiosa, Zenillia libatrix;
- Pteromalidae — Amblymerus mediterraneus, Amblymerus tibialis, Pteromalus cupreus;
- Braconidae — Apanteles emarginatus, Apanteles solitarius, Eubadizon extensor, Macrocentrus abdominalis;
- Ichneumonidae — Campoplex diffiformis, Diadromus candidatus, Diadromus troglodytes, Euclytus fontinalis, Gelis rusticus, Glypta bipunctoria, Glypta cicatricosa, Ischnus defensor, Hemiteles areator, Sinophorus albida, Theronia atalantae, Trichomma enecator, Triclistus globulipes;
- Chalcididae — Brachymeria intermedia, Brachymeria minuta, Chorinaeus cristator;
Размнажэнне
Самкі за жыццё адкладаюць каля 60 яек: па два яйкі на галіны і лісце.
Зноскі
