Сяргей Хрыстафоравіч Будыка
Сяргей Хрыстафоравіч Буды́ка[1] (17 сакавіка 1909, Краснадар — 7 сакавіка 1988[2]) — беларускі савецкі вучоны ў галіне гідраўлікі і інжынернай гідралогіі. Член-карэспандэнт АН БССР (1972), доктар тэхнічных навук (1959), прафесар (1960). Заслужаны дзеяч навукі і тэхнікі БССР (1977)[3].
| Сяргей Хрыстафоравіч Будыка | |
|---|---|
| Дата нараджэння | 17 сакавіка 1909 |
| Месца нараджэння | |
| Дата смерці | 7 сакавіка 1988 (78 гадоў) |
| Грамадзянства | |
| Род дзейнасці | навуковец |
| Навуковая сфера | гідраўліка і гідралогія |
| Месца працы | |
| Навуковая ступень | доктар тэхнічных навук (1959) |
| Навуковае званне |
|
| Альма-матар | |
| Узнагароды |   |
.svg){kind=small}
Біяграфія
У 1934 годзе скончыў Паволжскі лесатэхнічны інстытут у Іашкар-Але. У 1945—1950 гадах і з 1956 года загадчык кафедры Беларускага лесатэхнічнага інстытута. У 1950—1956 гадах загадчык аддзела гідралесамеліярацыі Інстытута лесу АН БССР. У 1959—1963 гадах прарэктар Беларускага тэхналагічнага інстытута. У 1959—1980 гадах старшыня Навуковага савета па праблеме Палесся пры Акадэміі навук БССР[3].
Навуковая дзейнасць
Навуковыя працы па гідратэхнічнай меліярацыі Палесся, інжынернай гідралогіі і рачной гідраўліцы, водным транспарце лесу. Пад яго кіраўніцтвам вывучаны ўплыў лясістасці басейнаў на сцёк рэк і яго размеркаванне, дзеянне затапленняў і падтапленняў, якія ствараюцца вадасховішчамі, на рост лесу. З 1970 года галоўны рэдактар зборніка «Праблемы Палесся»[3].
Асноўныя працы
Аўтар больш за 80 прац[2].
- Гидротехнические мелиорации лесных земель. — Мн., 1967 (совм. с И. К. Блинцовым).
- Водный транспорт леса и механизация лесосплавных работ. — Мн., 1970 (совм. с Г. А. Манухиным, А. Н. Пименовым).
- Вопросы комплексной мелиорации земель в Белорусском Полесье // Мелиорация земель Полесья и охрана окружающей среды. — Мн., 1977. Вып. 1.
- Белорусское Полесье: проблемы, перспективы. — Мн., 1982.
Узнагароды
Узнагароджаны ордэнам «Знак Пашаны» (1979), медалямі.
Крыніцы
Літаратура
- Будыка Сяргей Хрыстафоравіч // Беларуская энцыклапедыя: У 18 т. Т. 3: Беларусы — Варанец / Рэдкал.: Г. П. Пашкоў і інш. — Мн. : БелЭн, 1996. — Т. 3. — С. 317. — 10 000 экз. — ISBN 985-11-0035-8. — ISBN 985-11-0068-4 (т. 3).
- Будыка Сяргей Хрыстафоравіч // Беларусь: энцыклапедычны даведнік / Рэдкал. Б. І. Сачанка (гал. рэд.) і інш.; Маст. М. В. Драко, А. М. Хількевіч. — Мн.: БелЭн, 1995. — С. 122. — 800 с. — 5 000 экз. — ISBN 985-11-0026-9.
Спасылкі
- Сяргей Хрыстафоравіч Будыка ў базе даных «История белорусской науки в лицах» Цэнтральнай навуковай бібліятэкі імя Якуба Коласа НАН Беларусі (руск.)