Юлія Анатолеўна Арцюх

Паводле ўласных слоў, мае эканамічную адукацыю і працавала эканамістам-менеджарам у ААТ «Агракамбінат ,,Дзяржынскі’’»^[2].

У студэнцкія гады працавала нянькай у ЗША^[3].

Актывістка грамадскага аб’яднання дапамогі дзецям, хворым на фенілкетанурыю «Будучыня без межаў»^[2].

З 2019 года памочніца дэпутаткі ПП НС Беларусі Людмілы Макарынай-Кібак^[2].

Працавала ў адміністрацыі Маскоўскага раёна г. Мінска^[4].

Атрымала вядомасць у СМІ ў 2020 годзе як каментатарка па розных тэмах, звязаных з масавымі пратэстамі, якія адбываліся пасля сфальсіфікаваных прэзідэнцкіх выбараў 9 жніўня 2020 і суправаджаліся беспрэцэдэнтным гвалтам прадстаўнікоў сілавых органаў супраць дэманстрантаў, у тым ліку забойствам некалькіх удзельнікаў пратэстаў. Была прызначаная вядучай прапагандысцкіх перадач на дзяржаўным тэлеканале СТБ^[5].

У сваіх выступах на тэлебачанні актыўна займалася ачарненнем і абражаннем апанентаў Лукашэнкі^{[6][7][8][9][10]}, апраўдвала гвалт сілавых органаў да людзей^[11]. Абражала гістарычныя нацыянальныя сімвалы Беларусі^[12].

У красавіку 2021 года пасля выпуску перадачы з абразамі на адрас жыхароў Украіны і кіраўніцтва краіны была ўнесена ў базу «Міратворца», куды трапляюць асобы, якія вядуць дзейнасць супраць інтарэсаў Украіны^[13][14].

Мае трох дзяцей. Муж — «афіцэр спецыяльных аперацый»^[2].

• Асабістая старонка на сайце СТБ Архівавана 17 красавіка 2021.
• Юлія Арцюх на сайце «Міратворца»