XLAM: Лучшая беларусская альтернатива
XLAM: Лучшая беларусская альтернатива — складанка песень беларускіх альтэрнатыўных гуртоў, выдадзеная праектам «Xlam.by» на лэйбле «GO-Records» 11 чэрвеня 2006 года[1].
| XLAM: Лучшая беларусская альтернатива | |
|---|---|
 | |
| складанка розныя выканаўцы[d] | |
| Дата выпуску | 11 чэрвеня 2006 года |
| Запісаны | 2006 |
| Жанр | метал, ню-метал, дезкор, рэпкор |
| Працягласць | 76:27 |
| Мова песень | руская, беларуская |
| Лэйбл | GO-Records, Xlam.by |
Перадумовы і выпуск
Праца над фармаваннем спіса артыстаў на дыску распачалася ў лютым 2006 года[2]. Увага пры выбару гуртоў звярталася на нестандартнасць музычнага матэрыялу, а таксама на якасць прапанаваных трэкаў[1]. Як паведамляў «БелаПАН» каардынатар праекта Дзмітрый Дзмітрыеў, галоўнай умовай было, «што гэта беларускі гурт, які грае якасную, экстрэмальную і сумленную музыку, якая шукае свайго слухача»[3].
Як акрэслівалі выдаўцы, задача кампіляцыі зводзілася да адкрыцця новых імёнаў у альтэрнатыўнай музыцы[4]. Яе наклад павінен быў скласці 1500 асобнікаў, трэць з якіх вызначалася для распаўсюду на рынку Расіі[5].
Прэзентацыя дыска з удзелам шэрагу гуртоў, творы якіх трапілі на складанку, прайшла ў дзень яго выхаду 11 чэрвеня 2006 года ў Гомелі, у той час як украінскі гурт «SkinHate» стаў запрошаным хедлайнерам вечарыны[4].
Змест
- Пневмания — «Открой меня»
- 3t.ON — «Дай нам знать»
- Rasta — «Hakkah»
- Ricochet — «Рикошет кор»
- kuktooz — «Пустыня»
- TT'34 — «Иной»
- IKONA — «Не верю»
- D-Tails — «Выжигая огнем»
- Tweed — «Зверь»
- M.L.A. — «Рио»
- Tav.Mauzer — «Брудная вада»
- 4example — «Как земле вода»
- Zv!k — «Клон»
- Stinkface — «Ashamed»
- Кризис — «Суицид»
- Usplёsk — «Эфіp superlight»
- Контур — «Все в глазах»
- Termin X — «Згубіцца»
- ONEGIN — «Smilla»
- <killkitau> — «Больше ничего»
- Скимен — «Зачем»
Крытыка
«Музыкальная газета» ў сваім аглядзе вылучала кампазіцыю «Открой меня» (Пневмания), у той час як гурт «ONEGIN» расчараваў крытыкаў[6]. Пасля кружэлка характарызавалася Максімам Жукавым адтуль жа прыметнікам «тлусты»[7].
Сяргей «SB» Будкін з «Тузін Гітоў» і «Нашай Нівы» назваў плыту альтэрнатывай праекту «Вольныя танцы: альтэрнатыва by», у той час як музыка была апісана словамі «экспрэсіўная, агрэсіўная, сплеценая з нерваў і крыкаў»[8][9].