Davor Šuker

Davor Šuker, bet ganet d'ar 1añ a viz Genver 1968 en Osijek (Yougoslavia d'ar mare-se), a zo bet ur melldroader etrebroadel kroat.

Daoust dezhañ bezañ c'hoariet div wech (ouzh Turkia hag ouzh an inizi Faero) gant skipailh broadel Yougoslavia, gant hini Kroatia an hini eo en devoa kemeret perzh er muiañ a grogadoù avat : nav ha tri-ugent en holl.

Dilennet e oa bet da brezidant Kevread mell-droad Kroatia d'ar 5 a viz Gouere 2012.

Kib vell-droad ar bed

Argader e bost dezhañ war an dachenn en devoa kemeret perzh e daou zalc'h :

dibabet e oa bet gant Miroslav Blažević pa oa bet aozet Kib vell-droad ar bed 1998 e Bro-C'hall : gant c'hwec'h pal (e-kerzh seizh krogad) e teuas da vezañ gwellañ paler ar genstrivadeg-mañ,
Kib vell-droad ar bed 2002 bet aozet e Japan ha Republik Korea.