George Walker Bush
George Walker Bush eo 43vet prezidant a-vremañ Stadoù-Unanet Amerika. Dre ziv wech e oa bet dilennet hag e penn ar vro eo bet etre an 20 a viz Genver 2001 hag a 20 a viz Genver 2009. Ganet eo bet d'ar 6 a viz Gouere 1946. Mab eo da George Herbert Walker Bush hag a zo bet prezidant SUA ivez.
 | |
|---|---|
 | |
| Niv urzh | 43vet |
| Strollad politikel | Strollad Republikan |
| Kefridi | 20 a viz Genver 2001 - 20 a viz Genver 2009 |
| Besprezidant | Richard Bruce Cheney |
| Ganedigezh | 6 a viz Gouere 1946 New Haven, Connecticut |
| Marv | |
| Micher | Tud a afer |
Dilennet eo bet gouarnour stad Texas etre 1994 ha 1998 hag etre 1998 ha 2000, a-raok dont da vezañ ar 43vet prezidant amerikan. Merket eo bet e respet prezidant gant gwalldaolioù an 11 a viz Gwengolo 2001 ha gant Eil Brezel Irak.
Al livour
Ur wech echuet gant e garg a prezidant Stadoù-Unanet Amerika, e oa kroget Bush gant al livañ. Da gentañ en doa kroget gant livañ chas pe bleunioù. Goude-se e oa troet gant al livañ tud. Adal poltriji pennoù-bras ar bed e sav poltredoù evel re Vladimir Poutin pe Tony Blair.
Burutellerien an arzoù o doa degemeret gant "ur sell etre" e livadurioù[1]. Bill Arning, rener Mirdi arnevez Houston, a ziskrive ar poltredoù e-giz reoù "un amatour-uhel, da lâret eo livadurioù gant tresoù ponner.
Ouzhpennet e oa bet gant ar rener: "Lârout a rafen e rankfent chom hep bezañ diazezet war un adlivañ poltriji. Tu zo da welet pa vez unan bennak oc'h adtapout dre livañ poltriji kavet gantañ evit o livañ[...] d'am soñj e vefe mat dezhañ labourat gant reoù all, poltriji gant mammennoù lies pe an den gwirion evit kaout muioc'h a vuhez o tont"
Notennoù ha daveennoù
| |||||||
1881 : C.A. Arthur | |||||||
| (gwelet ivez : Stadoù-Unanet Amerika • Ti Gwenn) | |||||||
.svg){kind=small}