Sushi

Sushi (japaneg :寿司) a reer eus ur meuz a Japan. Unan eus ar meuzioù japanat brudetañ e diavaez ar vro eo. Ne ouezer ket pevare e voe krouet. Marteze a-walc'h e-tro ar V^vet kantved, pa grogas Japaniz da c'hounit riz.

Keginerien o fardañ sushi en ur preti e Japan

Sushi a farder diwar riz, ha n'eo ket diwar besked. Riz a galite a ranker kaout. Gant gwinegr e vez mesket, d'e veskañ gant a bep seurt aozennoù all. E Japan e veze implijet ar riz da virout ar boued.

Sushi liesseurt

Meur a seurt sushi a zo, en o zouez :

Nigirizushi

nigirizushi (握り寿司, sushi treut) : ur bouloutenn riz gwinegret (shari) neta warni : da lavaret eo un drailhenn pesk kriz pe poazh, met ivez chifretez, krank, alumenn-vioù, legumaj, teureug pe a bep seurt traoù all. Un tamm bihan wasabi a ouzhpenner ivez.

gunkanmaki (軍艦巻, roll « lestr brezel ») a zo ur seurt nigirizushi heñvel ouzh makizushi (maki, 巻, roll). Ur bouloutenn riz gronnet en un tamm bezhin nori 4 cm anezhañ eo. Warni e lakaer a bep seurt aozennoù, evel vioù pesked da skouer.

temarizushi (手まり寿司, sushi temari) a zo ur seurt sushi stumm un hirgelc'h dezhañ. « Temari » (手まり, bolotenn dorn, evel handball) a oa ur volotenn ha na veze implijet nemet gant merc'hed, hag ar re-se a veze o c'hoari hag o kanañ tra ma lakaent ar volotenn da adlammat war al leur. Daoust ma n'eo ket anavezet kalz en Europa ez eo ur seurt sushi a gaver alies e Japan, rak aes-tre eo da fardañ.

Makizushi

makizushi (巻き寿司) a farder diwar un tamm bezhin sec'h (nori) ledet warnañ ur gwiskad riz, legumaj hag un tamm pesk. Ur wech aozet ar meuz e roller anezhañ hag e peger anezhañ dre c'hlebiañ an tamm bezhin. Goude-se e troc'her anezhañ e drailhennoù : re hoso-makizushi (2cm treuzkiz), re naka-makizushi (3cm treuzkiz) ha re futo-makizushi (4cm treuzkiz). E Kalifornia e farder ura-makizuchi, da lavaret eo ec'h ouzhpenner ur gwiskad riz war an tamm nori. Damheñvel ouzh gimbap, ur meuz a Gorea, eo ar makizushi.

Seurtoù *maki*
Akanasu maki	赤茄子巻	gant tomatez
Ātichōku maki	アーティチョーク巻	gant artichaod
Abocado maki	アボカド巻	gant avokadez
Kappa maki	かっぱ巻 pe 河童巻	gant konkombrez, diwar anv Kappa a vije bet sot gant konkombrez
Karashina maki	からしな巻 pe 芥子菜巻	gant delioù sezo
kimuchi maki	キムチ巻	gant kimchi (Kaol Sina goet evel e Korea)
Nato maki	納豆巻	gant nato (soja goet e mod Japan)
Oshinko maki	お新香巻	gant irvin iliet mod Sina
Shiitake maki	シイタケ巻 pe 椎茸巻	gant shiitake (togoù-touseg blazet)
Takenoko maki	竹の子巻き	gant tammoù bambouz
Tamago maki	玉子巻	gant krampouezh-vioù
Yakiakapiiman maki	焼き赤ピーマン巻	gant pebrennoù ruz kras
Yakikipiiman maki	焼き黄ピーマン巻	gant pebrennoù melen kras
Yakinasu maki	焼き茄子巻	gant berjinez kras
Zukkīni maki	ズッキーニ巻	gant kourjetez
Kalifuorunia rōru	カリフォルニアロール	California roll, ledanoc'h, stumm un droellenn dezho

**Maki gant pesked / kestrenneged / kregin**
Ebi maki	海老巻	gant chifretez
Hamachi maki		gant glazenn
Hotategi maki		gant Krogenn-Sant-Jakez
Katakuchiiwashi maki		gant genougamm
Sappa maki		gant sardin
Suzuki maki		gant braog
Shake maki		gant eog
Tai maki		gant pirono
Tekka maki		gant toun
Tunamayo maki	ツナマヨ巻	gant toun ha maionez
Unagi maki	鰻巻	gant sili

Ment ar maki :

Hoso maki, 細巻 : treuzkiz bihan (2-3cm)
Naka maki, 中巻 : treuzkiz krenn (3-4cm)
Futo maki,太巻 : treuzkiz bras (4-6cm)

Doareoù all :

Ura maki, 裏巻 : nori e diabarzh ar roll
Temaki, 手巻, e stumm ur pikern

Temakizushi

temakizushi (手巻き寿司, sushi rollet gant an daouarn) : ur pikern nori eo, ennañ riz hag aozennoù all (pesked, legumaj hag all).

Binvioù

Binvioù
Anv	Displegadenn
Fukin	Dilhad
Hangiri	Barilh da fardañ riz
Hocho	Kontilli
Makisu	Pallennig bambouz da rollañ sushi
Ryoribashi	Bizhier da fardañ boued
Shamoji	Spanell goad da veskañ riz
Makiyakinabe	Pillig hirgarrezek da fardañ alumenn-vioù
Oshizushihako	Moull da fardañ oshizushi