Vis-en-Artois

XX^vet kantved

Brezel-bed kentañ: skoet-kriz eo bet Vis-en-Artois gant ar brezel:

• adalek an 30 a viz Gwenholon 1914 eo dalc'het ar gumun gant an Alamaned, betek ma teu al Lu Kanadian da gas anezhe kuit d'ar 24 a viz Eost 1918;
• distrujet razh e voe ar gêriadenn e-doug ar bloavezhioù 1917 ha 1918;
• lod ag an annezidi a oa tec'het a-raok ma oa arruet an alouberion; ar re a oa chomet a voe kaset da La Glanerie, a zo e Belgia;
• d'ar 24 a viz Gwenholon 1920, e voe lakaet kumun Vis-en-Artois war roll Urzh al Lu ha roet eo dezhi ar Groaz Brezel^[1];
• dont a reas Impalaer Alamagn Gwilhom II betek Vis da sellet ouzh Emgann Monchy-le-Preux;
• tost-kenañ ha tre dirak al Linenn Hindenburg edo Vis;
• adsavet e voe ar gêriadenn razh e-doug ar bloavezhioù 1920;
• lid dizoloeiñ monumant ar re varv a voe d'an 10 a viz Eost 1924 .

Bered ar C'hommonwealth: Vis-en-Artois British Cemetery

Bro	Niver a soudarded
Afrika ar Su	2
Aostralia	6
Kanada	582
Rouantelezh-Unanet	1 748
Dizanv	4
Hollad	2 342

Ur vered ag ar Brezel-bed kentañ eo. Vis-en-Artois hag Haucourt a voe kemeret gant Lu Kanada d'ar 27 a viz Eost 1918. Krouet e voe ar vered kerkent. Implijet e voe adalek dibenn miz Eost 1918 betek an hanter Here 1918. Douaret e voe enni 430 soudard, 297 anezhe eus Lu Kanada ha 55 anezhe eus ar 2nd Duke of Wellington's Regiment eus Lu ar Rouantelezh Unanet. Goude an arsav-brezel 11 a viz Du 1918, degaset e voe enni korfoù soudarded bet lazhet e-doug emgannoù mizioù Ebrel-Mezheven 1917, Eost ha Gwengolo 1918 ha reoù arall kemeret e beredoù bihan ag ar vro tro-dro^[2].

Bered ar C'hommonwealth:Valley Cemetery

Bro	Niver a soudarded
Aostralia	7
Kanada	37
Rouantelezh-Unanet	25
Hollad	69

Ur vered ag ar Brezel-bed kentañ eo. Digoret e voe d'an 31 a viz Eost 1918 evit douarañ 31 soudard hag ofisour eus an 3rd Canadian Infantry Battalion marvet an deiz kent pa voe kemeret ar fozell Orix. Ouzhpennet e voe 10 bez e penn-kentañ miz Gwengolo. E 1924-1925 e voe degaset bezioù eus an tachennoù-emgann hag eus bered alaman Thilloy^[3][4].

^[5]