ئەنتۆنی بلینکن
ئانتنی جۆن بلینکن (لەدایکبووی ١٦ی نیسانی ١٩٦٢) بەرپرسێکی حکوومەتی ئەمریکایە کە وەک جێگری وەزیری دەرەوە بەکاربوو لە ماوەی نێوان ٢٠١٥ بۆ ٢٠١٧ و وەک جێگری ڕاوێژکاری ئاسایشی نیشتمانی لە ماوەی نێوان ٢٠١٣ بۆ ٢٠١٥ لە کابینەی سەرۆک باراک ئۆباما. تۆنی کە لە ئێستادا شیکەرەوەی پەیوەندییە جیھانییەکانە بۆ کەناڵی سی ئێن ئێن[١] لەلایەن جۆو بایدنەوە کاندیدکراوە بۆ پۆستی وەزیری دەرەوەی ئەمریکا لە کابینەی نوێی دوای دۆناڵد ترامپ بۆ شوێنگرتنەوەی مایک پۆمپیۆ.[٢][٣]لە کابینەی بیڵ کڵینتن بلینکن لە وەزارەتی دەرەوە کاری کرد ھاوکات لەگەڵ ھەبوونی پۆست لە ستافی ئەنجومەنی ئاسایشی نیشتمانی.[٤] تۆنی ھەروەھا ئەندامێکی باڵا بووە لە سەنتەری واشنتۆن بۆ توێژینەوە ستراتیژی و نێودەوڵەتییەکان لە ماوەی نێوان ٢٠٠١ بۆ ٢٠٠٢ و بەرپرسی ستافی دیموکراتەکان بوو لە کۆمسیۆنی پەیوەندییە نێودەوڵەتییەکان لە ئەنجومەنی پیرانی ئەمریکا لە ماوەی نێوان ٢٠٠٢ بۆ ٢٠٠٨ و ئەندامی تیمی ئۆباما/بایدن بوو لەماوەی گواستنەوەی دەسەڵات لە تشرینی دووەمی ٢٠٠٨ بۆ کانوونی دووەمی ٢٠٠٩ و ژمارەیەک پۆستی دیکە. لە ساڵی ٢٠٠٩ بۆ ٢٠١٣ تۆنی وەک جێگری یاریدەدەر خزمەتی ئۆبامای کرد لەگەڵ خزمەتی وەک ڕاوێژکاری ئاسایشی نیشتمانی بۆ جێگری سەرۆک جۆو بایدن.
| تۆنی بلینکن | |
|---|---|
 | |
| پۆرترەیتی ڕەسمی لە ساڵی ٢٠١٥ | |
| ٧١ھەم وەزیری دەرەوەی ئەمریکا | |
| دەستبەکاربوون ٢٦ی کانوونی دووەمی ٢٠٢١ | |
| سەرۆک کۆمار | جۆو بایدن |
| دوابەدوای | مایک پۆمپیۆ |
| ١٨ھەم جێگری وەزیری دەرەوەی ئەمریکا | |
| لە پۆستدا بووە ٩ی کانوونی دووەمی ٢٠١٥ – ٢٠ی کانوونی دووەمی ٢٠١٧ | |
| سەرۆک کۆمار | باراک ئۆباما |
| پێشینە | ولیام جۆزێف بێرنس |
| پاشینە | جۆن سولیڤان |
| جێگری ڕاوێژکاری ئاسایشی نیشتمانی ئەمریکا | |
| لە پۆستدا بووە ٢٠ی کانوونی دووەمی ٢٠١٣ – ٩ی کانوونی دووەمی ٢٠١٥ | |
| سەرۆک کۆمار | باراک ئۆباما |
| پێشینە | دێنیس مکدەنە |
| پاشینە | ئاڤریڵ ھەینز |
| ڕاوێژکاری ئاسایشی نیشتمانی جێگری سەرۆکی ئەمریکا | |
| لە پۆستدا بووە ٢٠ی کانوونی دووەمی ٢٠٠٩ – ٢٠ی کانوونی دووەمی ٢٠١٣ | |
| جێگری سەرۆک | جۆو بایدن |
| پێشینە | جۆن ھانە |
| پاشینە | جەیک سولیڤان |
| وردەکاریی تاکەکەسی | |
| لەدایکبوون | ئانتنی جۆن بلینکن ١٦ی نیسانی ١٩٦٢ نیویۆرک، ویلایەتی نیویۆرک، ئەمریکا |
| پارتی سیاسی | پارتی دیموکرات |
| ھاوسەر(ەکان) | ئێڤن ڕایەن (ھاوسەرگیری ٢٠٠٢) |
| خزمەکان | دۆناڵد بلینکن (باوک) ئالان بلینکن (مام) |
| پەروەردە | زانکۆی ھارڤارد (بەکالۆریۆس لە ھونەر) زانکۆی کۆلومبیا (بەشی یاسا) |
