تایبەتمەندیی کیمیایی

تایبەتمەندییە کیمیایییەکان بەو تایبەتمەندییانەی ماددە دەڵێن کە بە ھۆی کاردانەوەیەکی کیمیایییەوە (لە ماوەی کاردانەوەکە، یان دوایی) ئاشکرا دەبن. تایبەتمەندیی کیمیایی چۆنێتییەکە کە تەنیا گۆڕاندنی ناسنامەی کیمیاییی ماددەکە دەتوانێ دەری بخا و، بە سەیرکردن و دەست پیاھێنان خۆی ئاشکرا ناکا. ^[١] دەبێ پێکھاتەی ناوەکیی ماددەکە گەلێک کاری لەسەر بکرێ و بگۆڕدرێ، تا تایبەتمەندییە کیمیایییەکانی دەر بکەون و بتوانرێ تاوتوێ بکرێن. بۆ وێنە، ژەھراویبوون، ترش یا تفت بوون و، گڕگرتەنیبوون تایبەتمەندیی کیمیایین.