مادی کامارا

ئەجاسیۆ

کامارا کاروانی پیشەگەریی خۆی لەگەڵ یانەکانی گینیا کالۆم و سانتۆبا دەستپێکرد، پێش ئەوەی لە ئایاری ٢٠١٥ لەگەڵ یانەی ئەجاسیۆ ڕاھێنان بکات لە خولی پلە دووی فەڕەنسا.^[١][٢] لە کاتی تاقیکردنەوەکەیدا سەرنجڕاکێش بوو و گرێبەستێکی پیشەگەری لەگەڵ یانەکە واژوو کرد لە ساڵی ٢٠١٦.

لە ٢٠ی ئایاری ٢٠١٨، کامارا گۆڵێکی تۆمارکرد لە چرکەکانی کۆتایی کاتی زیادکرا بۆ یەکسانکردنی یارییەکە ٢–٢ بەرامبەر ھاڤرێ لە نیوەی کۆتایی یارییەکانی سەرکەوتن بۆ خولی پلە یەک، ئەجاسیۆ بە لێدانی یەکلاکەرەوە ٥–٣ بردییەوە، دوای ئەوەی گیسلین گیمبێرت لێدانی یەکلاکەرەوەی گۆڵ کرد.^[٣]

ئۆڵۆمپیاکۆس

لە ٦ی ئازاری ٢٠١٨، گرێبەستێکی بۆ ماوەی پێنج ساڵ لەگەڵ یانەی ئۆڵۆمپیاکۆس واژوو کرد بۆ دەستپێکی وەرزی ٢٠١٨–١٩ بە بڕێکی ئاماژە پێ نەکراو، تێچووی گواستنەوەکە بە ٢٫٥ ملیۆن یۆرۆ خەمڵێنراوە.^[٤][٥] لە ١٦ی ئەیلوولی ٢٠١٨، لە یارییەکدا گۆڵی تۆمار کرد کە لە یاریگای خۆیان بردیانەوە ٢–١ بەرامبەر ئەستێراس تریپۆلیس.^[٦]

لە ١٧ی شوباتی ٢٠١٩، لە بردنەوەی ٤–١ لە یاریگای خۆیان گۆڵی تۆمارکرد بەرامبەر پاڵەوانی خولەکە ئەسینا،^[٧] لە ٧ی نیسانی ٢٠١٩، دووبارە گۆڵی تۆمارکرد لە بردنەوەی ٥–٠ بەرامبەر پانێتۆلیکۆس.^[٨] لە ٢١ی نیسانی ٢٠١٩، کامارا یەکەم گۆڵی یارییەکەی تۆمار کرد بۆ ئۆڵۆمپیاکۆس لە بردنەوەی ٣–١ لە دەرەوەی یاریگای خۆیان بەرامبەر لامییا، بەڵام بە بردنەوەی پۆک لە ھەمان ڕۆژدا ئەوە یەکلا بۆوە کە ئۆڵۆمپیاکۆس دووەم دەبێت لەدوای پۆک.^[٩]

لە ٢٧ی تشرینی یەکەمی ٢٠١٩، یاریزانەکەی گینیا و تەمەن ٢٢ ساڵان بۆ جاری سێیەم بە لێدانێکی بەھێز لە سنووری ناوچەی لێدانی سزاوە توانی گۆڵ تۆمار بکاتا لە یارییەکی دێربیدا کە ٢–٠ بردیانەوە بەرامبەر ئەرسینا.^[١٠] لە ٢٢ی کانوونی دووەمی ٢٠٢٠دا، تاکە گۆڵی یارییەکەی تۆمار کرد لە بردنەوەی ١–٠ بەرامبەر ئۆ ئێف ئای لە دەرەوەی یاریگای خۆیان.^[١١] لە ١٥ی حوزەیرانی ٢٠٢٠دا، لەماوەی دوو خولەکدا گۆڵێکی تۆمارکرد و ئەسیستێکی کرد بۆ جیۆرگۆس ماسۆراسی، لە بردنەوەی ٣–١ لە یاریگای خۆیان بەرامبەر ئاریس بۆ یارییەکانی دیاریکردنی پاڵەوانی سوپەرلیگ.

لە ٢١ی تەممووزی ٢٠٢١، کامارا تاکە گۆڵی تۆمارکرد بەرامبەر نەفتچی باکوور لە بردنەوەی ١–٠ لە یاریگای خۆیان بەڵام دواتر بە کارتی سوور دەرکرا دوای فاوڵ گرتنێکی قورس.^[١٢] لە ١٩ی ئابی ٢٠٢١، گۆڵێکی نایابی تۆمار کرد لە بردنەوەی ٣–٠ لە یاریگای خۆیان بۆ بردنەوەی یاری یەکەمی سەرکەوتن بۆ خولی ئەورووپا ٢٠٢١–٢٢ بەرامبەر سلۆڤان بارتیسلاڤا.^[١٣]

ڕۆما

لە ٣١ی ئابی ٢٠٢٢، کامارا گواسترایەوە بۆ یانەی ڕۆما بە خواستن بۆ ماوەی وەرزێک،^[١٤] لەگەڵ بژاردەی کڕینی یاریزانەکە.^[١٥]

کامارا یەکەم یاری خۆی بۆ گینیا ئەنجامدا لە بردنەوەیەکدا ١–٠ لە یاری پاڵاوتنی جامی نەتەوەکانی ئەفریقای ٢٠١٩ بەرامبەر کۆماری ئەفریقای ناوەڕاست لە ٩ی ئەیلوولی ٢٠١٨.^[١٦]

یانە

ھەتا ٢٤ ئابی ٢٠٢٢

نێودەوڵەتی

ھەتا ١٢ تشرینی دووەمی ٢٠٢١^[١٧]

یانە

ئۆڵۆمپیاد

• سوپەرلیگی یۆنانی: ٢٠١٩، ٢٠٢٠، ٢٠٢١، ٢٠٢٢
• جامی یۆنان: ٢٠١٩٢٠؛ دووەم: ٢٠٢٠٢١

تاکەکەسی

• یاریزانی ساڵ لە گینیا: ٢٠١٩^[١٨]

• دەروازەی ژیاننامە
• دەروازەی وەرزش
• دەروازەی تۆپی پێ