ویکیپیدیای کوردی

ویکیپیدیا کوردییەکان
چەشنی وێبگە	ئینسایکڵۆپیدیای ئازاد
بەردەستە بە	کوردی (کورمانجی، سۆرانی و زازاکی)
خاوەن	دامەزراوەی ویکیمیدیا
دروستکراو لەلایەن	کومەڵگای ویکیی کوردی
وێبگە	ku.wikipedia.org (کورمانجی); ckb.wikipedia.org (سۆرانی); diq.wikipedia.org (زازاکی)
بازرگانی	نەخێر
تۆمارکردن	ھەڵبژاردن
خستنەکار	٧ی کانوونی دووەمی ٢٠٠٤؛ ٢٠ ساڵ لەمەوبەر
مۆڵەتنامەی ناوەڕۆک	کرێیتیڤ کۆمنز ئەتریبۆشن/; بڵاوکردنەوەی وەکیەک ٣.٠

ویکیپیدیای کوردی (بە کوردیی باکووری: Wîkîpediya Kurdî) ئاماژەیە بۆ دوو وەشانی ویکیپیدیا کە بە ھەردوو شێوەی ستانداردی زمانی کوردی؛ کورمانجی و سۆرانی دەنووسرێن، کە ھەندێک جاران بە نافەرمی ویکیپیدیای زازاکی لەگەڵ ڕیزی ویکیپیدیا کوردییەکان دادەنرێت. ھەروەھا لە ئێستادا ویکیپیدیای کوردیی باشووری، یەکێک لە ئینسایکڵۆپیدیا کوردییەکان بە فەرمی دانەمەزراوە. لە ئێستادا ژمارەی وتارەکانی ویکیپیدیای کورمانجی ٧٥٬٤٦٨ وتارە و ویکیپیدیای سۆرانی ٥٤٬٩٤٣ وتارن.^[١] ویکیپیدیا کوردییەکان وەک ھەموو ویکیپیدیایەکانی دیکە ھەمووان دەتوانن دەستکاری و بەشداریی پەڕەکان بکەن.^[٢]

مێژوو

ویکیپیدیای کوردی لە ٧ی کانوونی دووەمی ٢٠٠٤ سازکرا،^[٣] ویکیپیدیاکە وا ڕێک خرابوو کە بە کورمانجی و سۆرانی وتاری تێدا بڵاوبکرێتەوە. بەڵام بەھۆی ھەبوونی ئاستەنگی تەکنیکی و زمانەوانی، ئەو شێوازە سەری نەگرت کە هەردوو شێوەزارەکە لە ژێر زمانێکدا بەردەوام بن، ئەمە بووە ھۆی ئەوەی لە ١٢ی ئابی ٢٠٠٩ وەشانێکی نوێ بۆ کوردیی ناوەندی (بە کۆدی زمانیی ckb) سازبکرێت. ویکیپیدیا بنەڕەتییەکەش (بە کۆدی زمانیی ku) بۆ نووسینی وتارەکان بە کوردیی باکووری تەرخان کرا، چونکە یەکەم شێوەزاری کوردی ویکیپیدیا بوو. لە ڕێکەوتی ٢٨ی کانوونی یەکەمی ٢٠٠٧دا ویکیپیدیای کوردیی سۆرانی بۆ بەڕێوەبردنی سیستەمەکە لە ویکیپدیا زۆرکرا و چالاک بوو.

ئامارەکان

ئاماری ویکیپیدیا کوردییەکان
ویکیپیدیاکان	بەکارھێنەران	دەستکارییەکان	وتارەکان	پەڕگەکان	بەڕێوەبەران
کوردیی کورمانجی	٦٧٬٣٥٣	١٬٦٧٠٬٨٢٥	٧٥٬٤٦٨	٥٦٢	٣
کوردیی سۆرانی	٦٢٬١٩١	١٬٢٠٦٬٦٥٨	٥٤٬٩٤٣	٢٬٥٩٢	٨
کوردیی زازاکی	٢٨٬٥٣٠	٥٢٧٬٧٧٥	٤١٬٨٢٥	١٩٩	٣