ڕیگۆبەرتا مەنچو
ڕیگۆبەرتا مەنچو توم (بە ئیسپانی: Rigoberta Menchú Tum؛ لە دایکبووی ٩ی کانوونی دووەمی ١٩٥٩)[١] چالاکوانی مافەکانی مرۆڤ و فێمێنێستێکی گواتیمالایییە،[٢] یەکێکە لە ھەڵگرانی خەڵاتی نۆبێل. ئەو بە کار و چالاکییەکانی دەناسرێتەوە کە ژیانی خۆی تەرخانکرد بۆ بڵاوکردنەوە ھۆشیاریی لەبارەی مافەکانی خەڵکی ڕەسەن لە گواتیمالا لەکاتی شەڕی ناوخۆیی گواتیمالا (١٩٦٠ بۆ ١٩٩٦)، ھەروەھا بانگەشەی بۆ مافەکانی خەڵکی ڕەسەن دەکات لە ئاستی نێونەتەوەیی.[٣]
| ڕیگۆبەرتا مەنچو | |
|---|---|
 | |
| لەدایکبوون | ٩ی کانوونی دووەمی ١٩٥٩ Laj Chimel، گواتیمالا |
| ناوی کاتی لەدایکبوون | Rigoberta Menchú Tum |
| خوێندنەوەی ئای پی ئەی | riɣoˈβeɾta menˈtʃu |
| پیشە | سیاسەتوان، نووسەر، خۆدژیاننامەنووس، بەرگریکەری مافی مرۆڤ |
| پۆستەکان | باڵیۆزی چاکەخوازی یوونێسکۆ |
| ئەندامی حیزبی | Winaq |
| نەژاد | Kʼicheʼ |
| ئەندامی | Club of Rome، Nobel Women's Initiative |
لە پای کارەکانیدا، ڕیگۆبەرتا مەنچو لە ساڵی ١٩٩٢ خەڵاتی نۆبێلی لە ئاشتی وەرگرت بۆ ئەوکارانەی کە بۆ خەڵکی ڕەسەن کردبوونی،[٤] ھەروەھا لە ساڵی ١٩٩٨ خەڵاتی شازادەخاتوون ئەستوریازی ئیسپانی پێدراوە.[٥] لە پاڵ کارەکانی ئەوا بووەتە باڵیۆزی چاکەخوازی ڕێکخراوی یوونیسکۆ.[٦] ئەو بۆ ھەڵبژاردنەکانی سەرۆکایەتیی گواتیمالا لە ساڵانی ٢٠٠٧ و ٢٠١١ خۆی پاڵاوت، ھەروەھا لە ساڵی ٢٠٠٧ حیزبێکی چەپی سۆسیالیستی بەناوی ویناک دامەزراند، کە بە یەکەم حیزبی خەڵکی ڕەسەنی گواتیمالا دادەنرێت.[٧]
لە ساڵی ٢٠١٠، لەلایەن حکوومەتی مەکسیک خەڵات و مێدالیای ڕێزلێنانی ھەڵۆی ئەزتیک (Order of the Aztec Eagle) پێبەخشرا لەپای کار و خزمەتەکانی.[٨] لە ساڵی ١٩٨٣، کتێبێکی لەسەر ژیانی خۆی لەژێر ناونیشانی من، ڕیگۆبەرتا مەنچو بڵاوکردەوە.
