Seyyare

Seyyare (Planet, Gezegen) – Küneşniñ etrafında aylanıp turğan kök cismi. Tar manasınen, Küneş sisteması içinde, Küneşniñ doğrudan yoldaşı olğan ve Halqlarara Felekiyat Birligi (inglizce International Astronomy Union) tarafından bu tarifke uyğundır dep tanılğan sekiz kök cismini tayinlemek içün qullanıla. Küneş sistemasında, resmen qabul etilgen sekiz seyyareden ğayrı, bu cisimlerlge büyüklik, orbita ve fizikiy hususiyetler ceetinden aynı zümrege qoyulıp olacaq yañı kök cisimleriniñ keşif etilüvi, bir yandan da başqa yıldızlarnıñ etrafında da Küneş sistemasındaki seyyarelerge oşağan kök cisimleriniñ dolanğanınıñ saptanması, seyyare tarifiniñ sıñırlarınıñ bulanıqlaşmasına sebep olğandır.

Halqlarara Felekiyat Birliginiñ, 1919 senesi qabul etken Küneş sistemasınıñ sekiz seyyaresi, küneşke yaqınlıq sırasına köre şulardır:

Utarit
Çolpan
Zemin (Yer, Dünya)
Merih
Müşteri
Zual
Uran
Neptun


Seyyare hususiyetleri
	Ad	Ekvator diametri^[1]	Kütle^[1]	Orbita radiusı (AU)	Aylanuv devri (yıl)	Orbita avuqlığı (°)	Tışmerkezlik	Dönme devri (kün)	Yoldaş	Alqalar	Atmosfera
Yer şeklindeki seyyareler	Utarit	0,382	0,06	0,39	0,24	3,38	0,206	58,64	—	yoq	azğariy
	Çolpan	0,949	0,82	0,72	0,62	3,86	0,007	-243,02	—	yoq	CO₂, N₂
	Zemin^[2]	1,00	1,00	1,00	1,00	7,25	0,017	1,00	1	yoq	N₂, O₂
	Merih	0,532	0,11	1,52	1,88	5,65	0,093	1,03	2	yoq	CO₂, N₂
Gaz seyyareleri	Müşteri	11,209	317,8	5,20	11,86	6,09	0,048	0,41	63	bar	H₂, He
	Zual	9,449	95,2	9,54	29,46	5,51	0,054	0,43	60	bar	H₂, He
	Uran	4,007	14,6	19,22	84,01	6,48	0,047	-0,72	27	bar	H₂, He
	Neptun	3,883	17,2	30,06	164,8	6,43	0,009	0,67	13	bar	H₂, He

Bu sekiz seyyareniñ tışında daa evel seyyare olaraq tariflengen Pluton Halqlarara Felekiyat Birliginiñ yañı tariflemesine köre kiçik seyyare olaraq qabul etile.

Küneş sisteması

Seyyareler: Utarit - Çolpan - Dünya - Merih - Müşteri - Zual - Uran - Neptun
Kiçkene seyyareler: Pluton - Eris - Haumea - Makemake
Diger: Küneş - Ay - Asteroid quşağı - Quyruqlı yıldızlar - Neptun artında cisimler - Koyper quşağı- Oort bulutı

[1]

[2]