Carme Forcadell i Lluís
Carme Forcadell i Lluís (ganwyd yn Xerta, Baix Ebre yn 1956) yw Llywydd Cynulliad Cenedlaethol Catalwnia o'i sefydlu yn 2012 hyd at Mai 2015.[1][2] . Mae'n awdures nifer o lyfrau, yn bennaf am iaith ac addysg.[3]
| Yr Athro Carme Forcadell i Lluís | |
.jpg) Carmen Forcadell yn traddodi araith yn y Plaza de Catalonia, Barcelona | |
Llywydd Llywodraeth Catalwnia | |
| Deiliad | |
| Cymryd y swydd 26 Hydref 2015 | |
| Is-Arlywydd(ion) | Lluís Corominas i Díaz José María Espejo-Saavedra Conesa |
|---|---|
| Rhagflaenydd | Núria de Gispert |
Llywydd Cynulliad Cenedlaethol Catalunia (Assemblea Nacional Catalana) | |
| Deiliad | |
| Cymryd y swydd 2012–2015 | |
| Geni | 1956 Xerta, Baix Ebre |
| Cenedligrwydd | Catalwnia |
| Etholaeth | Sabadell ( 2003 - 2007) |
| Plaid wleidyddol | Esquerra Republicana de Catalunya |
| Tadogaethau gwleidyddol eraill | Junts pel Sí |
| Alma mater | Prifysgol Barcelona |
| Galwedigaeth | Athro Prifysgol mewn iaith a llenyddiaeth; awdures |
| Gwefan | carmeforcadell.cat |
Yn 2015 fe'i hetholwyd ar sedd yn Llywodraeth Catalwnia fel rhan o'r glymblaid Junts pel Sí ('Annibyniaeth Gyda'n Gilydd').[4] Yna, ar 26 Hydref 2015 etholwyd hi'n Llywydd Llywodraeth Catalwnia.
Yn Hydref 2016 bu'n rhaid iddi ymddangos o flaen Tribiwnlys Cyfansoddiadol Sbaen am iddi ganiatáu i'r Refferendwm dros Annibyniaeth gael ei gynnal. Penderfynodd y Tribiwnlys y byddai Carme'n cael ei herlyn mewn llys barn. Dywedodd wrth y Llys, ar 16 Rhagfyr 2016 iddi ganiatáu'r bleidlais gan i ddwy blaid ofyn amdano, ac y byddai'n gwneud yr un penderfyniad eilwaith. Dywedodd fod y Tribiwnlys,a wysiwyd gan Lywodraeth Sbaen, yn fodd i sensro a thawelu llais pobl Catalwnia.[5]
Addysg a gyrfa
Derbyniodd Carme radd mewn athroniaeth o Brifysgol Barcelona a gradd Meistr mewn Athroniaeth Catalan o'r un coleg. Am beth amser wedyn gweithiodd yn y cyfryngau, gan gynnwys TVE rhwng 1979 a 1982. Ers 1985 bu'n aelod o Adran Addysg y Llywodraeth ac mae wedi cyhoeddi nifer o lyfrau ar iaith ac addysg yn ogystal â geiriadur.
Gwleidyddiaeth a gwaith
Mae'n aelod o 'Gomisiwn Dros Urddas' a'r 'Llwyfan Dros yr Hawl i Benderfynu' sy'n rhan o Bwyllgor y Cyfryngau.
Yn wleidyddol mae'n perthyn i asgell chwith y Gweriniaethwyr ac yn aelod o Esquerra Republicana de Catalunya; bu'n Gynghorydd Tref Sabadell rhwng 2003 a 2007.[6][7].
Yn haf 2012 roedd yn gyfrifol am gydlynnu'r 'Orymdaith Dros Annibyniaeth' yng Nghatalunia yn ogystal â bod yn Llywydd y Cynulliad. Roedd hefyd yn lladmerydd yn yr ymgyrchoedd Catalunya, nou estat d'Europa (Catalonia, Gwladwriaeth newydd Ewrop) a 'Via Catalana' (Y ffordd Catalunaidd). Gwobrwywyd Carme yn 2014 pan enillodd Wobr John White yn nhref Perpignan, am ei gwaith dros ei gwlad, ac am amddiffyn ei hunaniaeth a'i diwylliant.
2012
Carme'n pleidleisio yn Refferendwm Catalwnia 2014
Ail o'r chwith gyda Artur Mas i Gavarró ar y chwith eithaf
.JPG)
